Калегія Еўразійскай эканамічнай камісіі прыняла рашэнне накіраваць ва ўрады краін Еўразійскага эканамічнага саюза для ўнутрыдзяржаўнага ўзгаднення праект пагаднення аб сэрвісе, які дазваляе ажыццяўляць пошук інфармацыі аб аб’ектах прамысловай уласнасці, што ахоўваюцца ў краінах «пяцёркі». Пра гэта паведамілі ў прэс-службе ЕЭК.
«Пагадненне дазволіць стварыць інфармацыйны рэсурс, які змяшчае звесткі аб зарэгістраваных у дзяржавах Саюза таварных знаках, знаках абслугоўвання, назвах месцаў паходжання тавараў і геаграфічных указаннях», — растлумачылі ў прэс-службе.
«Увядзенне ў эксплуатацыю агульнага пошукавага сэрвісу забяспечыць доступ па прынцыпе „аднаго акна“ да інфармацыі аб аб’ектах прамысловай уласнасці, зарэгістраваных у краінах ЕАЭС. Карыстанне будзе дыстанцыйным і бязвыплатным з прадастаўленнем магчымасцяў правядзення пашыранага пошуку і выкарыстання розных крытэрыяў і фільтраў», — пракаментаваў дакумент член Калегіі (міністр) па эканоміцы і фінансавай палітыцы ЕЭК Бахыт султанаў.
На думку ЕЭК, арганізацыя такога пошукавага сэрвісу ў ЕАЭС будзе садзейнічаць зніжэнню часавых і фінансавых выдаткаў пры запыце інфармацыі, а таксама фарміраванню эфектыўных маркетынгавых стратэгій для ўдзельнікаў рынку.
Прэв’ю: БелТА
