На саісканне літаратурных прэмій вылучаюцца апублікаваныя творы (кнігі) членаў МГА СПБ, напісаныя на беларускай ці рускай мовах і выдадзеныя ў Беларусі. На літаратурную прэмію імя Максіма Багдановіча прымаюцца і творы літаратараў-пачаткоўцаў, апублікаваныя ў літаратурна-мастацкіх рэспубліканскіх выданнях.

На саісканне прэмій і ў іншых намінацыях прымаюцца значныя публікацыі ў літаратурна-мастацкіх перыядычных выданнях і калектыўных зборніках.

Лаўрэаты атрымліваюць адпаведны дыплом і грашовую прэмію. Уручэнне прэмій пройдзе ў Доме літаратара не пазней красавіка.

Творы (кнігі) прэтэндэнтаў на саісканне прэміі перадаюцца ў аддзяленне ў адным экзэмпляры. Рэцэнзіі, водгукі ў СМІ прыкладаюцца.
Творы (кнігі) саіскальнікаў прымаюцца на разгляд да 1 сакавіка.

Міхась ПАЗНЯКОЎ