Кнігу “Пясочны гадзіннік” вядомага літаратурнага крытыка Лады Алейнік склалі артыкулы, рэцэнзіі, нарысы і палемічныя нататкі, прысвечаныя беларускаму літаратурнаму працэсу XX-XXI стагоддзяў.

У полі зроку аўтара – адмысловыя мастацкія з’явы нацыянальнага прыгожага пісьменства, творчасць класікаў (Алеся Пальчэўскага, Сяргея Грахоўскага, Янкі Скрыгана, Васіля Быкава, Янкі Брыля), эстэтычныя пошукі сучаснікаў (Андрэя Федарэнкі, Уладзіміра Сцяпана, Анатоля Казлова, Юрася Нератка, Людмілы Рублеўскай і інш.), а таксама – навуковая дзейнасць і творчасць вядучых беларускіх вучоных-філолагаў (Івана Навуменкі, Алега Лойкі, Міхася Мушынскага, Дзмітрыя Бугаёва).