Дамавічок Сеня зноў выпраўляецца ў вандроўку па горадзе, каб знайсці сабе прыдатнае жытло. Прабадзяўшыся халоднай восеньскай ноччу і зусім акалеўшы, Сеня хаваецца ў нейкім вялікім будынку, не надта разумеючы, куды трапіў. Папугай, вожык, хамяк і іншая жыўнасць прымаюць яго за злодзея. І, хоць з Сенем хутка ўсё высветлілася, прыгод у кнізе на кожнага героя — поўны куфар, а то і болей.