У кнізе, якую вы трымаеце ў руках, вядомы пісьменнік, лаўрэат Нацыянальнай літаратурнай прэміі Уладзімір Ягоўдзік, нібы цудоўныя зіхатлівыя самацветы, сабраў легенды і паданні, што цягам стагоддзяў назапашвала наша родная беларуская зямля. Прачытаўшы іх, вы даведаецеся, адкуль пайшлі назвы некаторых населеных пунктаў, пазнаёміцеся з мясцовымі міфалагічнымі істотамі і рэальнымі гістарычнымі асобамі, а таксама захопіцеся таямнічымі гісторыямі пра хітрых чартоў і зачараваныя скарбы.