Прэм’ер-міністр Беларусі Раман Галоўчанка прыбыў з рабочым візітам Маскву для ўдзелу ў пасяджэннях Еўразійскага міжурадавага савета і Савета кіраўнікоў урадаў СНД, паведамляе БелТА.
Сёння пройдзе пасяджэнне Савета кіраўнікоў урадаў дзяржаў СНД. Кіраўнікі ўрадаў традыцыйна абмяняюцца думкамі па актуальных пытаннях эканамічнага ўзаемадзеяння ў Садружнасці. Далей плануецца разгледзець і падпісаць шэраг дакументаў, якія тычацца супрацоўніцтва ў развіцці грамадзянскага суднабудавання і вытворчасці суднавага камплектуючага абсталявання, у падрыхтоўцы кадраў для пенітэнцыярных службаў, у галіне вывучэння, выкарыстання, аховы і маніторынгу падземных вод, у сферы гуманітарнага супрацоўніцтва, а таксама шэраг дакументаў па фінансаваму забеспячэнню дзейнасці органаў СНД.
Таксама сёння Раман Галоўчанка разам з іншымі кіраўнікамі дэлегацый наведае кампус Маскоўскага дзяржаўнага тэхнічнага ўніверсітэта імя М. Э. Баўмана. Кіраўнікам дэлегацый раскажуць аб сучасным стане ўніверсітэта і перспектывах яго развіцця, прадставяць інжынерныя студэнцкія праекты, пакажуць студэнцкі інтэрнат «Спектр» і Квантум-парк.
13 снежня пройдзе пасяджэнне Еўразійскага міжурадавага савета. Кіраўнікі ўрадаў краін ЕАЭС абмяркуюць актуальныя пытанні супрацоўніцтва ў саюзе. У праекце парадку пасяджэння разгляд такіх тэм, як ход фарміравання агульных рынкаў нафты і нафтапрадуктаў, газу, бюджэт ЕАЭС на 2025 год, фінансавае садзейнічанне сумесным кааперацыйным праектам у галінах прамысловасці. Запланавана таксама падпісанне выніковых дакументаў.
Фота: БелТА
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
