МЗС уручыла афіцыйную ноту Польшчы

У МЗС Беларусі ўручылі афіцыйную ноту часоваму паверанаму ў справах Польшчы ў Беларусі Кшыштафу Ажане, перадае БелТА.

Як паведамлялася раней, польскія спецслужбы спрабавалі за 100 тыс. еўра завербаваць беларускага дыпламата ў Малдове. Прэс-сакратар МЗС Беларусі Анатоль Глаз падкрэсліў, што з пункту гледжання права як унутранага, так і міжнароднага, гэта абуральны інцыдэнт. «Парушаецца цэлы шэраг нормаў унутранага заканадаўства. Парушаецца цэлы шэраг міжнародных правілаў. Прама парушаюцца нормы Венскай канвенцыі аб дыпламатычных і консульскіх зносінах. Спроба аказання ціску або вярбоўкі дыпламата, паверце, прытым настолькі нахабная і адкрытая, нават за гранню права, правіл прыстойнасці нармальных цывілізаваных міждзяржаўных зносін. Гэта не можа застацца без рэакцыі. З нашага боку ўжо падрыхтавана адпаведная нота ў адрас польскага боку. Мяркую, будзе прыняты і шэраг іншых крокаў, над якімі мы сур’ёзна думаем. Уся адказнасць за наступствы такіх дзеянняў ляжыць на польскім баку», — адзначыў Анатоль Глаз.

11 снежня ў МЗС Беларусі быў выкліканы часовы павераны ў справах Польшчы ў Беларусі Кшыштаф Ажана. Польскаму дыпламату была ўручана афіцыйная нота. «Я перадам тое, аб чым мы сёння гаварылі, у Варшаву», — адказваючы на пытанні журналістаў, сказаў Кшыштаф Ажана. Ад іншых каментарыяў дыпламат адмовіўся.