У другім чытанні прыняты законапраект «Аб змяненні Закона Рэспублікі Беларусь «Аб забеспячэнні адзінства вымярэнняў». У прыватнасці, праектам закона ўдакладняецца суб’ектны склад юрыдычных асоб, якія ўпаўнаважваюцца Дзяржаўным камітэтам па стандартызацыі на ажыццяўленне дзяржаўнай паверкі.
Акрамя таго, Дзяржаўнаму камітэту па стандартызацыі даецца паўнамоцтва на зацвярджэнне палажэння аб Дзяржаўным інфармацыйным фондзе па забеспячэнні адзінства вымярэнняў. Вызначаюцца ўмовы прымянення сродкаў вымярэнняў, у тым ліку выпушчаных (уведзеных у эксплуатацыю) у перыяд да 20 лістапада 1995 года.
Дэпутаты ратыфікавалі Пагадненне паміж урадам Рэспублікі Беларусь і ўрадам Рэспублікі Куба аб супрацоўніцтве і ўзаемнай дапамозе ў мытных справах. Пагадненне, падпісанае ў Гаване 16 ліпеня 2024 года, распрацавана ў мэтах стварэння дагаворна-прававой базы двухбаковага супрацоўніцтва паміж мытнымі службамі Беларусі і Кубы.
У прыватнасці, вызначаны асноўныя прынцыпы і спосабы супрацоўніцтва ў сферы мытнай справы, формы аказання ўзаемнай дапамогі мытнымі органамі, устаноўлены парадак узаемадзеяння пры накіраванні запытаў і прадстаўленні інфармацыі для выяўлення, спынення і расследавання мытных правапарушэнняў. Рэалізацыя пагаднення будзе садзейнічаць аператыўнаму вырашэнню праблемных сітуацый у мытнай сферы, дасць магчымасць павысіць эфектыўнасць і рэзультатыўнасць выканання задач па абароне эканамічных інтарэсаў Рэспублікі Беларусь.
Таксама ратыфікаваны Дагавор аб дружалюбных адносінах і супрацоўніцтве паміж Рэспублікай Беларусь і Манголіяй. Дагаворам прадугледжваецца, што дзве краіны развіваюць адносіны як дружалюбныя дзяржавы і кіруюцца прынцыпамі ўзаемнай павагі, незалежнасці, дзяржаўнага суверэнітэту, непарушнасці граніц, тэрытарыяльнай цэласнасці, раўнапраўя і неўмяшання ва ўнутраныя справы, мірнага ўрэгулявання спрэчак, выканання правоў і свабод чалавецтва і добрасумленнага выканання міжнародных абавязацельстваў.
Замацоўваюцца абавязацельствы бакоў развіваць супрацоўніцтва ў рамках ААН і іншых міжнародных арганізацый у інтарэсах умацавання міру і бяспекі, вырашэння эканамічных, экалагічных і іншых актуальных міжнародных праблем, заахвочваць і абараняць узаемныя інвестыцыі, развіваць гандаль, у тым ліку з удзелам партнёраў з трэціх краін, садзейнічаць адкрыццю і дзейнасці на сваёй тэрыторыі прадстаўніцтваў суб’ектаў гаспадарання другога боку і інш.
Паводле БелТА
Фота БелТА
Пачалося датэрміновае галасаванне на выбарах Прэзідэнта Рэспублікі Беларусь
Карэспандэнты «Звязды» высветлілі, як рыхтаваліся ўчасткі, як быў арганізаваны электаральны працэс непасрэдна ў рэгіёнах
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
