У Кастрычніцкае РУУС Мінска звярнулася мінчанка: яе дзевяцігадовая дачка перадала зламыснікам больш за пяць тысяч долараў, паведамляе МУС Беларусі.
Напярэдадні здарэння дзіцяці ў месенджары патэлефанаваў незнаёмы мужчына і паведаміў, быццам на балансе яе тэлефона ўтварылася вялікая запазычанасць. Каб маці не даведалася пра гэта, малалетняй параілі знайсці ў кватэры назапашванні і перадаць кур’еру, які дапаможа ўнесці грошы на рахунак.
Па ўказанні аферыста яна абшукала жыллё і знайшла наяўныя. Нічога не сказаўшы бацькам, на наступны дзень па званку вынесла іх на дзіцячую пляцоўку і аддала жанчыне-кур’еру.
Аператыўнікі ўстанавілі: пасылку забрала 39-гадовая салігарчанка, якая таксама стала ахвярай махляроў. Жанчыну пераканалі ў наяўнасці буйной запазычанасці, для пагашэння прымусілі ўзяць крэдыт, а затым паехаць у Мінск і забраць грошы ў дзяўчынкі.
Фігурантку затрымалі. Следчымі распачата крымінальная справа за махлярства ў буйным памеры.
Праваахоўнікі нагадваюць бацькам: падтрымлівайце са сваімі дзецьмі даверлівыя адносіны і расказвайце ім пра небяспекі, якія могуць падцікоўваць у інтэрнэце ці на вуліцы. Падкрэслівайце, што нельга без дазволу браць сямейныя назапашванні, а любую праблему трэба вырашаць толькі разам з бацькамі.
Пачалося датэрміновае галасаванне на выбарах Прэзідэнта Рэспублікі Беларусь
Карэспандэнты «Звязды» высветлілі, як рыхтаваліся ўчасткі, як быў арганізаваны электаральны працэс непасрэдна ў рэгіёнах
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
