У лютым 2025 года Мінск прыме традыцыйны турнір юных футбалістаў — Кубак развіцця. Такое рашэнне прынята на пасяджэнні выканкама асацыяцыі «Беларуская федэрацыя футбола», паведамляе БелТА.
Спаборніцтвы юнацкіх зборных (U-17) 21-ы раз пройдуць у сталічным футбольным манежы з 15 па 21 лютага. У мінулым сезоне Кубак развіцця пяты раз выйграла юнацкая зборная Беларусі.
Таксама ўдзельнікі выканкама зацвердзілі вынікі чэмпіянатаў Беларусі сярод мужчынскіх і жаночых каманд, а таксама юнацкіх першынстваў розных узростаў. Акрамя таго, былі зацверджаны намінацыі і спецыяльныя прызы для ўручэння на ўрачыстай цырымоніі падвядзення вынікаў футбольнага сезона 2024 года «Зорны мяч», якая адбудзецца сёння.
Старшыня АБФФ Мікалай Шарстнёў падвёў вынікі сезона. Чэмпіёнам Беларусі другі раз запар сталі футбалісты мінскага «Дынама», якія пасля доўгага перапынку здолелі прабіцца ў асноўны этап кантынентальнага турніру — Лігі канферэнцый. У жанчын золата нацыянальнага чэмпіянату пяты раз запар заваявалі футбалісткі сталічнага «Дынама-БДУФК». Сярод значных падзей 2024 года — прадаўжэнне кантракта з галоўным трэнерам нацыянальнай зборнай Беларусі Карласам Алосам і зацвярджэнне палажэнняў аб правядзенні новых дзіцяча-юнацкіх спаборніцтваў «Талент-ліга»
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
