У правінцыі Хэнань створаны прамысловы кластар NEV-аўто

У апошнія гады Кітай дэманструе ўражлівы прагрэс у вытворчасці аўтамабіляў на новых крыніцах энергіі (NEV). Краіна здзейсніла пераход ад разрозненай вытворчасці да скаардынаванага развіцця ўсяго вытворчага ланцужка. Гэта істотна змяняе структуру сусветнай аўтамабільнай індустрыі, перадае «Жэньмінь жыбаа» анлайн».

У правінцыі Хэнань створаны ключавы прамысловы кластар, які садзейнічае комплекснаму ўдасканаленню не толькі саміх аўтамабіляў, але і спадарожных тавараў, а таксама рынку постпродажнага абслугоўвання. Цяпер у правінцыі налічваецца 17 буйных аўтамабільных кампаній і больш за 600 дапаможных прадпрыемстваў.

За тры кварталы продажы аўтамабіляў у правінцыі Хэнань дасягнулі амаль 840 тыся адзінак, што сведчыць аб росце на 87,7 працэнта. Гэта на 25 працэнтных пунктаў вышэй, чым у сярэднім па краіне.

Развіццё чыгуначных грузавых маршрутаў «Кітай — Еўропа» садзейнічала стварэнню міжнароднага сухапутнага порта Чжэнчжоў і прафесійнай станцыі тэхнічнага абслугоўвання. Дзякуючы гэтаму аўтамабільная прадукцыя можа быць дастаўлена з Кітая ў Еўропу ўсяго за 15 дзён.

Акрамя таго, за тры кварталы аб’ём экспартнага гандлю аўтамабілямі ў правінцыі Хэнань склаў 23 млрд. юаняў, што на 22,3 працэнта больш, чым летась. Аб’ём экспарту NEV дасягнуў 5,2 млрд. юаняў, павялічыўшыся на 67 працэнтаў.

У ппрспектыве Хэнань плануе ў поўнай меры рэалізаваць свае чатыры асноўныя перавагі: унікальнае транспартнае размяшчэнне, шырокі рынак, кваліфікаваныя працоўныя рэсурсы і развітую прамысловую базу. Гэта дасць магчымасць стварыць вядучую ў краіне базу для вытворчасці транспартных сродкаў на новых крыніцах энергіі.

Развіццё эканамічнай зоны аэрапорта Чжэнчжоў у правінцыі Хэнань дазволіць прыцягнуць больш вядомых аўтамабільных кампаній і ўкараніць новыя тэхналогіі, што, у сваю чаргу, пашырыць іх долю на рынку.