Пяткевіч прадставіла аблвыканкаму новага памочніка Прэзідэнта — інспектара па Магілёўскай вобласці

Першы намеснік кіраўніка Адміністрацыі Прэзідэнта Наталля Пяткевіч ахарактарызавала Сяргея Налівайку як чалавека вопытнага і дасведчанага.

— Памочнік Прэзідэнта — гэта сувязное звяно паміж кіраўніком дзяржавы і рэгіёнам для вырашэння аператыўных пытанняў, — адзначыла яна. — А Сяргей Налівайка — чалавек з вялізным вопытам, дзесяцігадовым стажам члена ўрада, які займаецца рэальнымі эканамічнымі пытаннямі. Гэта прафесіянал высокага класа.

Наталля Пяткевіч нагадала, што Прэзідэнт заўсёды звяртае ўвагу на тое, што моцная краіна — гэта перш за ўсё моцныя рэгіёны. У краіне добра развітыя як сельская гаспадарка, так і прамысловасць. Важна гэта ўсё захаваць. Робіцца шмат чаго для развіцця інфраструктуры па-за буйнымі гарадамі, у сельскіх населеных пунктах.

Наталля Пяткевіч адзначыла, што новыя задачы складаныя, і да памочнікаў Прэзідэнта, якія працуюць у рэгіёнах, прад’яўляюцца больш высокія патрабаванні. Сяргей Налівайка ім адпавядае. Да таго ж ён мясцовы, душой хварэе за сваю малую радзіму.

Сяргей Налівайка прызнаўся, што да новых абавязкаў прыступае ўпэўнена, але з некаторым хваляваннем.

— Па-першае, гэта адказнасць перад Прэзідэнтам за давер, — паведаміў ён. — Па-другое, жаданне рэалізаваць тыя маштабныя праекты, якія ёсць і якія задуманы. Сёння першачаргова годна правесці электаральную кампанію. Вельмі важна таксама, і ў кіраўніка дзяржавы гэта заўсёды на кантролі, паступальнае развіццё паўднёва-ўсходняга рэгіёна Магілёўскай вобласці. У найбліжэйшы час паступіць пратакол даручэнняў, які нарадзіўся на «Дажынках», калі кіраўнік дзяржавы наведваў Магілёўскую вобласць. Гэта першачарговыя пытанні, над якімі трэба працаваць. 

Нэлі ЗІГУЛЯ