Прэзідэнт Беларусі Аляксандр Лукашэнка павіншаваў калектыў Цэнтральнай выбарчай камісіі з 35-годдзем ЦВК. Аб гэтым БелТА паведамілі ў прэс-службе кіраўніка дзяржавы.
З дня свайго ўтварэння Цэнтрвыбаркам актыўна ўключыўся ў работу па фарміраванні інстытутаў народаўладдзя незалежнай беларускай дзяржавы, удасканаленні нацыянальнага заканадаўства, прававой асвеце грамадзян, адзначыў беларускі лідар.
«Шмат у чым дзякуючы вашым намаганням выбары ў Беларусі сталі інструментам сапраўднай дэмакратыі, галоўнай формай праяўлення суверэнітэту нашага народа, адлюстраваннем яго палітычнай волі, — падкрэсліў кіраўнік дзяржавы. — Няўхільнае захаванне законнасці ў дзейнасці Цэнтрвыбаркама садзейнічае забеспячэнню палітычнай стабільнасці, захаванню грамадзянскага міру і згоды».
Аляксандр Лукашэнка выказаў упэўненасць у тым, што ўласцівыя калектыву ЦВК цвёрдасць перакананняў і адданасць роднай краіне, высокія прафесійныя і асобасныя якасці з’яўляюцца залогам новых здзяйсненняў на карысць Айчыны.
Прэзідэнт пажадаў калектыву Цэнтральнай выбарчай камісіі здароўя, міру, дабрабыту і поспехаў у рабоце.
Аляксандр Рагожнік звярнуў увагу, што зусім хутка беларускаму народу трэба будзе чарговы лёсавызначальны выбар.
Прэзідэнт Беларусі Аляксандр Лукашэнка адобрыў стратэгіі ўдзелу Беларусі ў рабоце Шанхайскай арганізацыі супрацоўніцтва (ШАС) і БРІКС.
Бюлетэні па выбарах Прэзідэнта Рэспублікі Беларусь ужо гатовы.
