Дамашняя серыя «Дынама-Мінск» скончылася з надзеяй на лепшае

Хакейны клуб «Дынама-Мінск» скончыў дамашнюю серыю матчам з чалябянскім «Трактарам». Гэтая дамашняя серыя ў нечым нагадвала арэлі, для самх хакеістаў, так і для іх аматараў. У матчах з маскоўскім «Дынама» і «Аўтамабілістам» перамогі былі вельмі блізкія, але дасягнуць іх не атрымалася. Сустрэча з аднаклубнікамі з Масквы скончылася вынікам 3:4. Дарэчы¸гэта быў тысячны матч «Дынама-Мінск» у рэгулярным чэмпіянаце Кантынентальнай хакейнай лігі. Таму, няглядзячы на вынік матчу, гэтая гульня, ды і ўся серыя ўжо ўвайшлі ў гісторыю клуба. Матч з «Аўтамабілістам» таксама скончыўся паражэннем «зуброў» з вынікам 2:3. 

Спадзяванні ад сустрэчы з «Трактарам» вялікімі былі ва ўсіх. Каманда няпростая. «Трактар», маючы 42 балы, займае першае месца ва Усходняй канферэнцыі. «Дынама-Мінск», маючы 33 балы, займае восьмае месца на Захадзе. Але, як паказвае досвед, на лёдзе лічбы і пазіцыі нярэадка адыходзяць на задні план. Хакеісты змагаюцца як могуць. Тым больш, што гэтая сустрэча каманд у гэтым сезоне. І скончылася яна на карысць «Трактара», па непрыемнай для мінчан традыцыі гэтай серыі. Першы перыяд скончыўся з вынікам 0:1 на карысць «Трактара». На перапынак пасля другога перыяду каманды сышлі з вынікам 2:2. Страсці накаліліся. Трэці перыяд скончыўся з лічбамі 3:3 на табло. У гэтым матчы галявы дубль аформіў Аляксандр Волкаў. Авертайма ўсе чакалі затаіўшы дыханне. Але Аляксандр Кадзейкін з «Трактара» закінуў у вароты «Дынама» вырашальную шайбу. Матч скончыўся з вынікам 3:4 на карысць гасцей.

-«Нажаль, ізноў саступілі ў авертайме. Але я пахваліў каманду. Гулялі добра. Але калі ідзе камяк, то любая памылка ператвараецца ў гол. Канешне, трэба больш забіваць. Хочацца менш прапускаць, больш забіваць. Вярнуліся ў гульню, але не дацярпелі», — падзяліўся з журналістамі сваімі ўражаннямі галоўны трэнер «Дынама-Мінск» Дзмітрый Квартальнаў. — Сітуацыя няпростая. Але шанцуем таму, хто імкнецца. Дробязяў не бывае. Кожнаму трэба ў сабе пашукаць. І няма выпадковасцей. Трэба згуляць яшчэ прасцей. Сёння тры перыяды вельмі добра гулялі. Але крышку...». 

На гэтым дамашняя серыя «зуброў» заканчваецца. 2 снежня яны выйдуць на лёд «Сібір-Арэны» ў Навасібірску супраць мясцовай «Сібіры». Выступіць «Дынама-Мінск» і на Дальнім Усходзе, 4 снежня ва Уладзівастоку сустрэнецца з «Адміралам», а 6 снежня ў Хабараўску з «Амурам».

Валерыя СЦЯЦКО. 
Фота БелТА.