У Брэсцкім гарвыканкаме адбылася цырымонія падпісання пагаднення аб супрацоўніцтве паміж Гродзенскім і Брэсцкім гарадскімі Саветамі дэпутатаў. Дакумент падпісалі старшыня Гродзенскага гарадскога Савета Алег Бялінскі і старшыня Брэсцкага гарадскога Савета Андрэй Філановіч.
Пагадненне накіравана на паглыбленне, умацаванне і пашырэнне сувязяў паміж двума прадстаўнічымі органамі. Бакі падкрэслілі ўзаемную зацікаўленасць у развіцці адкрытага і ўзаемавыгаднага супрацоўніцтва.
Змест пагаднення ўлічвае таксама традыцыі дружбы і даверу, якія склаліся паміж жыхарамі гарадоў Гродна і Брэста. Чакаецца, што названае супрацоўніцтва будзе падставай для новых ініцыятыў і праектаў дэпутацкіх корпусаў абодвух гарадоў, падкрэслілі ў Брэсцкім гарадскім Савеце.
Святлана ЯСКЕВІЧ.
Фота Брэсцкага гарвыканкама.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
