Спакой ад лёгкага туману, яшчэ плюсавая тэмпература, дываны з жоўтага лісця дадавалі пазітыву ў настрой адпачывальнікаў. Лошыцкі парк Мінска, пра які ўпершыню згадваецца ў летапісе ад 1557 года, плошчай 97 га, традыцыйна з’яўляецца адным з самых папулярных месцаў адпачынку ў межах мегаполіса. Акрамя шпацыраў сярод векавых дрэў уражвае раскошным дваранскім інтэр’ерам музей-сядзіба. Драўляны флігель не менш цікавы для наведвання. У былым доміку брамніка (вартаўніка) можна выпіць кубачак кавы, а ў сядзібным доме-музеі пасядзець у кафэ. Адпачывальнікаў па-ранейшаму прыцягваюць паўразбураныя сцены капліцы і млына, ды іншыя славутасці сядзібна-паркавага комплексу.
Аляксандр ГРЫГОР’ЕЎ
Фота аўтара
Хораша там, дзе моладзь ёсць!
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
