На мінулым тыдні трымалася даволі камфортнае, сонечнае надвор’е, якое адпавядала позняму «бабінаму лету». Сённяшні аўторак на гэтым тыдні будзе самым цёплым днём кастрычніка. Пасля ў краіну прыйдуць атмасферныя франты, якія прынясуць невялікія дажджы, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак пераважна па паўночна-заходняй палове краіны пройдуць невялікія кароткачасовыя дажджы. У начныя і ранішнія гадзіны ў асобных раёнах чакаюцца слабыя туман і галалёд.
Тэмпература паветра мінімальная ноччу складзе ад мінус 2 градусаў па паўднёвым усходзе краіны, да плюс 10 градусаў па паўночным захадзе. Здзівіць максімальная тэмпература днём, у сярэднім па краіне яна складзе 10–16 градусаў, а па паўднёвым захадзе краіны павялічыцца да 18 цяпла.
Надвор’е пачне мяняцца ўжо ў сераду. У гэтыя суткі ноччу месцамі, а днём у асобных раёнах па паўночным усходзе краіны прагназуюцца кароткачасовыя дажджы. Ноччу і раніцай месцамі можа быць слабы туман.
У дзённыя гадзіны месцамі па поўначы чакаецца ўзмацненне ветру парывамі 15–18 м/с. Тэмпература паветра ўначы апусціцца да нуля градусаў па паўднёвым усходзе і да 8 градусаў па паўночным захадзе краіны, максімальная — 8–15 градусаў.
У чацвер чакаецца чарговая змена надвор’я, калі будзе пераважна без ападкаў, толькі раніцай і днём месцамі па паўночным усходзе краіны пройдуць кароткачасовыя дажджы. Ноччу і раніцай у асобных раёнах прагназуюцца слабыя туман і галалёд. Тэмпература паветра ўначы — ад мінус 2 градусаў па поўдні краіны да 6 цяпла па поўначы. Максімальная днём — 7–13 градусаў з плюсам.
У пятніцу месцамі па паўночна-ўсходняй палове краіны пройдуць невялікія дажджы. Ноччу і раніцай у асобных раёнах чакаюцца слабыя туман і галалёд. Тэмпература паветра мінімальная ноччу — 1–8 цяпла, пры праясненнях да мінус 2 градусаў, максімальная днём — 7–14 градусаў.
Згодна з папярэднім прагнозам айчынных сіноптыкаў, у выхадныя захаваецца павышаны фон атмасфернага ціску, таму ападкаў чакаецца менш. Тэмпература ў начныя гадзіны будзе вагацца ад слабага мінуса да слабага плюса. Днём — 8–16 цяпла. Такім чынам, у суботу пераважна без ападкаў, ноччу і раніцай у асобных раёнах чакаюцца слабыя туман і галалёд. Тэмпература паветра ўначы ад мінус 3 градусаў да плюс 3 градусаў, па паўднёвым усходзе да 5 цяпла. Максімальная тэмпература днём складзе 8–15 градусаў.
У апошнюю нядзелю кастрычніка ў асобных раёнах чакаюцца кароткачасовыя дажджы. Уначы і раніцай месцамі слабы туман. Тэмпература паветра ўначы — 1–6 цяпла, пры праясненнях да мінус 2 градусаў. Максімальная тэмпература днём падымецца да 9–16 градусаў з плюсам.
Сяргей КУРКАЧ
Бюлетэні па выбарах Прэзідэнта Рэспублікі Беларусь ужо гатовы.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
