Адраджэнне Палесся стане нацыянальным праектам Беларусі. Аб гэтым заявіў журналістам кіраўнік Адміністрацыі Прэзідэнта Дзмітрый Крутой на фестывалі-кірмашы «Дажынкі-2024» у Мікашэвічах, перадае БелТА.
У час цырымоніі ўшанавання аграрыяў Брэсцкай вобласці Аляксандр Лукашэнка адзначыў, што ў гэтым годзе ў рэгіёне сабралі каля 2 млн т збожжавых і зернебабовых. Аднак кіраўнік дзяржавы ўпэўнены, што патэнцыял рэгіёну значна большы. Таму ён паставіў брэсцкім аграрыям задачу выйсці ў наступныя гады на 2,5 млн.т ураджаю.
Кіраўнік Адміністрацыі Прэзідэнта Дзмітрый Крутой лічыць, што ў Брэсцкай вобласці няма ніякіх шанцаў не выканаць гэта даручэнне.
«Брэстчына — радзіма «Дажынак». Брэстчына паказвае выдатныя вынікі не толькі сёлета, але і на працягу многіх гадоў. Гэта следства з’яўлення новых кампаній у сферы перапрацоўкі (пад гэта, зразумела, падцягваецца і сыравінная база, больш паспяхова выкарыстоўваюцца зямельныя рэсурсы). Мы бачым на працягу апошніх трох-чатырох гадоў маштабныя ўкладанні ў праект па меліярацыі. Усё-такі больш за палову меліяраваных земляў у нашай краіне — гэта Брэсцкая вобласць. Наступны нацыянальны праект — адраджэнне Палесся (гэта пакуль умоўная назва)», — адзначыў Дзмітрый Крутой.
Цяпер, каб аформіць дачу, не трэба ехаць туды, дзе яна знаходзіцца.
Узмацненне адраснасці дзяржпадтрымкі і садзейнічання занятасці
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
