Традыцыйна напярэдадні Дня горада Мінска праходзіць урачыстае ўзнагароджанне пераможцаў конкурсу прафесійнага майстэрства «Мінскі майстар».
Арганізатарамі выступаюць Мінскае гарадское аб’яднанне прафсаюзаў і Мінскі гарадскі выканаўчы камітэт. У гэтым годзе ў адборачных этапах конкурсу прынялі ўдзел больш за 1500 работнікаў. Вызначаны 39 пераможцаў. Гэта людзі самых розных прафесій — токар, вадзіцель, урач-педыятр, сацыяльны работнік, прадавец, кравец, паштальён, слесар, асфальтабетоншчык, рабочы зялёнага будаўніцтва, тэхнолаг-хімік і інш.
«Мінскі майстар» — адзін з найбуйных конкурсаў прафесійнага майстэрства ў рэспубліцы. За ўвесь час правядзення сталічных спаборніцтваў удзел у іх прынялі каля 300 тыс. чалавек, а 699 - удастоены звання «Мінскі майстар».
Узнагароджанне праводзілі старшыня Савета Рэспублікі Наталля Качанава і старшыня Мінгарвыканкама Уладзімір Кухараў.
«Гэта людзі адданыя сваёй справе, тыя, якія сёння жывуць праблемамі свайго горада, свайго прадпрыемства і нізкі вам паклон і словы шчырай удзячнасці за вашу працу. Але гэтыя словы ўдзячнасці і падзякі не толькі тым, хто стаў сёння пераможцамі гэтага цудоўнага конкурсу, але і ўсім, хто ўмацоўвае эканамічную моц нашага горада. Умацоўваючы эканамічную моц сталіцы, несумненна, умацоўваем эканамічную моц нашай краіны. І тая палітыка, якая праводзіцца ў нашай краіне — сацыяльна арыентаванай дзяржаве, — накіравана перш за ўсё на чалавека», — аддзначыла Наталля Качанава.
Фота Віктара Драчова
«Наш слоган — „У нагу з часам“».
«Я натхнялася творчасцю беларускіх бабуль...»
Супрацоўнікі Мінпрыроды расказалі, якая карысць ад дрэў у горадзе.
