Канцэрты, велапрабегі, выставы — у Магілёўскай вобласці пачалі адзначаць Дзень народнага адзінства

У абласным цэнтры на плошчы Адзінства сёння адбудзецца абласная акцыя «Беларусь наперад!» з удзелам зорак беларускай эстрады і вядомых блогераў, а таксама маштабны флэшмоб вобласці. Раніцай у Бабруйску стартаваў велапрабег «Мы адзіныя», а ў Магілёўскім раёне ад мемарыяльнага комплексу «Зямлянка» — аўтапрабег «Маршрутамі адзінства». Святочныя мерапрыемствы, прысвечаныя знакавай даце, адбудуцца сёння ў гарадскім парку ў Асіповічах. Жыхароў і гасцей горада запрашаюць на канцэрт з удзелам Заслужанага калектыву Рэспублікі Беларусь «Узорна-паказальнага аркестра Узброеных Сіл Рэспублікі Беларусь». 

Свята не абмяжоўваецца адным днём. 12 верасня на рэспубліканскую акцыю «Беларусь адзіная» запросіць вядомых медыяэкспертаў Беларуска-Расійскі ўніверсітэт. У панядзелак, 16 верасня, на плошчы Адзінства ў Магілёве адкрыецца выстава дасягненняў прадпрыемстваў горада «Адзінства! Развіццё! Якасць!», а ў Палацы культуры вобласці ў гэты ж дзень пройдзе ўрачыстае мерапрыемства. На наступны дзень, 17 верасня, на плошчы Славы ў Магілёве будзе працаваць тэматычная пляцоўка «У гістарычнай памяці наша адзінства», а ў Бабруйску ў Палацы мастацтваў пройдзе гарадское мерапрыемства «Мір і адзінства — моц народа». У Шклове на 17 верасня запланаваны святочны канцэрт, а ў Магілёве — канцэртная праграма «Мы моцныя, калі адзіныя» на плошчы Адзінства.

Нэлі ЗІГУЛЯ