Як паведамляе афіцыйны тэлеграм-канал МУС Беларусі, спарткомплекс «Брэсцкі» сустрэў сотні «ахоўнікаў» і вялікую колькасць балельшчыкаў. Восем каманд прадставяць Мінскае гарадское і абласныя ўпраўленні, а таксама ўпраўленне па ахове дыппрадстаўніцтваў. У гэтым годзе ў якасці ганаровых гасцей назіраць за ходам спаборніцтваў прыбылі прадстаўнікі Азербайджана, В’етнама, Кітая, Кыргызстана, Расіі і Таджыкістана.
Да пачатку прайшла эстафета запальвання агню, прысвечаная 80-годдзю вызвалення Беларусі ад нямецка-фашысцкіх захопнікаў. Пачаўшы свой шлях у Брэсце, агонь прайшоў па ўсіх абласных цэнтрах.
Начальнік Дэпартамента аховы Аляксандр Шапялёў адзначыў, што цяперашні агляд-конкурс — гэта спаборніцтва многіх прафесій. Высокатэхналагічная служба патрабуе кваліфікаваных спецыялістаў: ахоўнікаў, дзяжурных пультаў кіравання, электраманцёраў і інжынернага саставу. Адна з ключавых задач мерапрыемства — ацаніць здольнасць супрацоўнікаў выконваць задачы, пастаўленыя дзяржавай і грамадствам.
Наперадзе каманды чакаюць яшчэ тры дні вырабаванняў. Урачыстае закрыццё агляду-конкурсу адбудзецца 13 верасня, фінальным акордам стане камбінаваная міліцэйская эстафета. Пачатак у 10:00 у спарткомплексе «Брэсцкі» па вул. Гогаля, 9.
Уваход для ўсіх вольны!
Анатоль СЛАНЕЎСКІ
«Наш слоган — „У нагу з часам“».
«Я натхнялася творчасцю беларускіх бабуль...»
Супрацоўнікі Мінпрыроды расказалі, якая карысць ад дрэў у горадзе.
