Фестываль пад блакітным небам «Строчыцкія званы-2024» адбыўся ўчора, 8 верасня. Мерапрыемства блаславіў мітрапаліт Мінскі і Заслаўскі, Патрыяршы экзарх усея Беларусі Веніямін.
Юбілейны, дзесяты фестываль пачаўцца з малебна св. Паўліну Міласціваму, які лічыцца нябесным заступнікам званароў, а таксама прыкладам спачування і чалавекалюбства да ўсіх, хто мае ў гэтым патрэбу. Мерапрыемства было таксама накіравана на адраджэнне ўнікальнай з’явы — храмавай звонавай музыкі. Святой па гучанню, сэнсу і ўздзеянню!
Асноўнымі ўдзельнікамі фэсту сталі вучні і выпускнікі аддзялення звону Мінскага духоўнага вучылішча, якое працуе пры храме іконы Божай Маці «Усіх тужлівых Радасць». Да іх далучаліся прыхільнікі кананічнага, праваслаўнага звону з рэгіёнаў Беларусі. Хваляваліся, больш ад урачыстасці моманту, Лідзія Хахлова і Людміла Цэд, чакаючы свайго выступлення. Яны таксама парадавалі расчулых слухачоў-гледачоў музыкай нябесаў.
Званары свае выхады чаргавалі з выступленнямі народнага хора Мінскага дзяржаўнага музыкальнага коледжа імя М.І.Глінкі «Бліскавіца» (мастацкі кіраўнік Мілавідава Ганна Барысаўна) і заслужанага аматарскага калектыву Рэспублікі Беларусь «Залатая Струна» (мастацкі кіраўнік Полесава Ганна Станіславаўна).
Пасля выступленняў рахманы музейны конь Сапфір стаў лепшым сябрам для прыхажунь-дзяўчат, і бясплатным возчыкам званароў і артыстаў па тэрыторыі музея-скансэна.
Аляксандр ГРЫГОР’ЕЎ
фото автора
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
Цэны на ліквіднае жыллё ў сталіцы выраслі на 5 працэнтаў.
