Беларускі плывец Дзмітрый Салей стаў прызёрам XVII Паралімпійскіх гульняў у Парыжы, паведамляе БелТА.
У заключны дзень спаборніцтваў у басейне Салей выступаў на дыстанцыі 100 м батэрфляем у класе S12. Па выніках папярэдніх заплываў раніцай беларус прабіўся далей з трэцім вынікам, а ў фінале фінішаваў на другім месцы, паказаўшы час 57,92 сек. Яшчэ адзін наш спартсмен Максім Вашкевіч заняў восьмую пазіцыю.
Сярэбраны медаль Салея стаў для беларускай каманды сёмай узнагародай Паралімпіяды-2024. Раней пяціразовым чэмпіёнам Парыжа стаў Ігар Бокій, яшчэ адно золата дадаў Ягор Шчалканаў. Усе нашы атлеты завяршылі выступленні на Гульнях.
Супрацоўнікі Мінпрыроды расказалі, якая карысць ад дрэў у горадзе.
Восень для спецыялістаў аграрнай галіны — час падводзіць вынікі, і сёлета яны годныя.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
