У Мінгарвыканкаме расказалі, як Мінск адсвяткуе Дзень горада

Начальнік упраўлення культуры Мінгарвыканкама Кацярына Лучына расказала журналістам, як Мінск адсвяткуе 957-ы дзень нараджэння, перадае БелТА.

Штогод у другую суботу верасня адзначаецца агульнагарадское свята — Дзень горада. У гэтым годзе Мінску споўніцца 957 гадоў. Зацверджаны план святочных мерапрыемстваў, прысвечаных Дню горада Мінска, які ўключае больш за 100 мерапрыемстваў.

«Мерапрыемствы ўжо пачаліся: 8 верасня адбудзецца Мінскі паўмарафон, 13 верасня запланавана вялікае мерапрыемства — урачыстая цырымонія ўзнагароджання мінчан, якія бралі ўдзел у конкурсе «Мінскі майстар». Узнагародзяць 39 мінчан. Таксама 13 верасня на тэрыторыі Верхняга горада адбудуцца Дні горада Екацярынбурга», расказала Кацярына Лучына.

Асноўныя мерапрыемствы, прысвечаныя Дню горада, пройдуць 14 верасня. «Гэты дзень традыцыйна пачнецца з урачыстай цырымоніі ўскладання кветак да абеліска «Мінск — горад-герой» у 10.00. У 10.30 у зялёнай зоне на скрыжаванні праспектаў Пераможцаў і Машэрава пачне працаваць пляцоўка фестывалю гістарычнай рэканструкцыі «Мінск старажытны». На пляцоўцы міжнародныя спаборніцтвы «Мацнейшы пажарны-выратавальнік». Пляцоўка пачне работу ў 8.00 і завершыць у 18.00. адбудзецца канцэртная праграма — з 12.00 да 17.00», — адзначыла начальнік упраўлення.

З 17.00 да 23.00 будзе арганізавана маладзёжная канцэртная праграма з удзелам творчых калектываў і выканаўцаў. «Сюрпрыз для жыхароў і гасцей горада — у гэтым годзе мы запрасілі выступіць на Дні горада Юльяну Каравулаву», — падкрэсліла Кацярына Лучына.

«Новая пляцоўка ў нас запланавана ў Траецкім прадмесці на тэрыторыі Верхняга горада. Праект называецца «Мінск губернскі», дзе жыхары і госці сталіцы змогуць акунуцца ў атмасферу XIX-XX стагоддзяў. Будуць тэатралізаваныя персанажы, таксама адбудзецца выступленне творчых калектываў, якія будуць выконваць кампазіцыі тых кампазіцый. Часоў Можна пракаціцца на карэце з канямі Таксама традыцыйна будзе працаваць пляцоўка Верхняга горада — з 12.00 да 15.00 там плануецца канцэрт заслужанага калектыву Прэзідэнцкага аркестра Рэспублікі Беларусь з праграмай «Хіты Прэзідэнцкага аркестра». Увечары адбудзецца ўрачыстая цырымонія ўручэння ўзнагарод «Мінчанін года» і святочны канцэрт. Гэтае мерапрыемства запланавана з 19.00 да 21.00», — адзначыла Кацярына Лучына.

Акрамя таго, у парку Горкага адбудзецца сямейнае свята. «Там таксама запланавана вялікая колькасць лакацый: дзіцячыя зоны, зоны для дарослых, танцпляцоўка, выстава работ прафесійна-тэхнічных навучальных устаноў і многае іншае. Завяршальным момантам Дня горада стане феерверк, які жыхары і госці нашай сталіцы змогуць убачыць у 23.00 на пляцоўцы каля Палаца спорту », - дапоўніла Кацярына Лучына.