У Маскве ў Пасольстве Рэспублікі Беларусь у Расійскай Федэрацыі прайшоў круглы стол беларускіх і расійскіх пісьменнікаў «Разам: традыцыі, вопыт, перспектывы беларуска-расійскага літаратурнага адзінства». Прывітальным словам шырокую размову на самыя розныя мастацкія і грамадска-палітычныя тэмы адкрыў дарадца-пасланнік Пасольства Рэспублікі Беларусь у Расіі Аляксандр Шпакоўскі. Асаблівую ўвагу ён звярнуў на існаванне агульных падыходаў у выхаванні духоўных прыярытэтаў у грамадстве ў Беларусі і Расіі.
Удзел у прадстаўнічым, цікавым і з дыскусійнага пункту гледжання круглым стале прынялі дацэнт РУДН імя Патрыса Лумумбы Карына Галай, паэт, перакладчык Сяргей Главюк, старшыня ТРА Саюзнай дзяржавы Беларусі і Расіі «Саюз» Мікалай Ефімовіч, кандыдат філалагічных навук Святлана Ананьева, старшыня Саюза пісьменнікаў Расіі Мікалай Іваноў, кіраўнік ААТ " Генеральная дырэкцыя міжнародных кніжных выставак і кірмашоў«, дырэктар Маскоўскага міжнароднага кніжнага кірмашу Сяргей Кайкін, галоўны рэдактар «Роман-газеты» Юрый Казлоў, дзіцячая пісьменніца Лілія Кандыбовіч, генеральны дырэктар ААТ «Белкніга» Уладзімір Матусевіч, старшыня Савета дырэктараў выдавецка-паліграфічнага комплекса Сяргей Маісееў (Москва), паэт і перакладчык Таццяна Піскарова, галоўны рэдактар часопіса «Маладосць» Вольга Рацэвіч, расійскі і беларускі літаратуразнаўца, паэт, член Саюза пісьменнікаў Беларусі Любоў Турбіна, дырэктар праекта «Кніжны цягнік» Максім Афоненкаў, пушкіністка Ларыса Чаркашына, намеснік галоўнага рэдактара «Российской газеты» Ядвіга Юферава.
Мадэратарам размовы выступіў дырэктар — галоўны рэдактар Выдавецкага дома «Звязда», старшыня Саюза пісьменнікаў Беларусі Алесь Карлюкевіч.
Кола пытанняў, якія закранулі ў сваіх выступленнях, у даволі гарачых дыскусіях удзельнікі круглага стала, было звязана з наступнымі тэматычнымі абсягамі: «Саюзная дзяржава — эфектыўная пляцоўка для культурнага ўзаемадзеяння краін і народаў»; «Літаратурныя ўзаемасувязі ў кантэксце беларуска-расійскіх агульнакультурных узаемаадносін»; «Сучасная кніжная культура ў складзе рынку інтэлектуальных прадуктаў».
Вынікі круглага стала — нараджэнне новых творчых праектаў, дамоўленасці пра сумесныя кнігавыдавецкія праграмы, арганізацыю супольных фестываляў, кніжных выставак. Асобная гаворка вялася пра літаратурнае выхаванне моладзі, школьнікаў.
Раман Сэрвач
Москва, Расійская Федэрацыя.
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
Цэны на ліквіднае жыллё ў сталіцы выраслі на 5 працэнтаў.
