Клас прававой накіраванасці «Юны пракурор» адкрыты на базе гімназіі № 51 Гомеля. Першы ўрок для юнакоў і дзяўчат, залічаных у першы ў рэгіёне падобны профільны клас, правёў генеральны пракурор Рэспублікі Беларусь Андрэй Швед.
У інтэграваваным 10 «Б» класе прававой накіраванасці — 20 чалавек. 8 вучняў будуць паглыблена вывучаць дысцыпліны хіміка-біялагічнага напрамку, а 12 юнакоў і дзяўчат на павышаным узроўні — грамадазнаўства і англійскую мову. Заняткі будуць праходзіць як на базе гімназіі, так і ў падраздзяленнях пракуратуры.
— Адкрываючы гэты клас, мы будзем не толькі даваць паглыбленыя веды па юрыспрудэнцыі, асновы пракурорскай дзейнасці, але таксама выхоўваць сапраўдных патрыётаў Радзімы, — на ўрачыстай лінейцы ў гімназіі № 51 Гомеля падкрэсліў генеральны пракурор Беларусі Андрэй Швед.
Кіраўнік ведамства ў рэспублікі адзначыў, што такое профільнае навучанне школьнікаў сёння вельмі запатрабавана. Клас прававой накіраванасці ў Гомелі — чацвёрты ў Беларусі. Такая практыка працягваецца.
— У бліжэйшыя месяцы мы адкрыем яшчэ некалькі класаў у іншых рэгіёнах. У некаторых абласцях гэта ўжо будуць другія і трэція класы. Дзеці хочуць, просяць, каб мы больш стваралі такіх класаў, і гэта добра. Па сутнасці, гэта кузня будучых кадраў для органаў пракуратуры, а таксама для праваахоўных органаў. Самая галоўная задача — выхаванне патрыётаў, глыбокае, пастаяннае і мэтанакіраванае выхаванне ва ўсіх магчымых формах. Важна, каб маладыя людзі свядома прыходзілі ў прафесію, пры гэтым разумелі, што гэта не проста праца, а служэнне Радзіме, служэнне з поўнай самааддачай. У першую чаргу пракурорскія работнікі па асобнай праграме будуць займацца з юнакамі з профільных класаў. Навучэнцы будуць выязджаць у органы пракуратуры, непасрэдна на месцы, дзе працуюць пракуроры, размаўляць з імі. Адпаведна, па асобным плане мы будзем з імі праводзіць ідэалагічную і выхаваўчую работу, — дадаў Андрэй Швед.
Падчас першага ўрока вучні прававога класа змаглі задаць генеральнаму пракурору Беларусі свае пытанні. На сустрэчы абмеркавалі праграму навучання па профілю, цікавіліся спецыфікай працы ў пракуратуры, якасцях, якімі павінен валодаць чалавек, які абраў гэтую няпростую прафесію.
Андрэй Швед таксама азнаёміўся з музейнай экспазіцыяй гімназіі № 51 Гомеля, экспазіцыйнымі стэндамі аб фактах і падзеях генацыду беларускага народа ў гады Вялікай Айчыннай вайны.
Наталля КАПРЫЛЕНКА,
фота prokuratura.gov.by.
Супрацоўнікі Мінпрыроды расказалі, якая карысць ад дрэў у горадзе.
Восень для спецыялістаў аграрнай галіны — час падводзіць вынікі, і сёлета яны годныя.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
