У Беларусі з улікам рапсу намалацілі больш за 7,8 млн тон збожжа

Аграрыі краіны на 1 верасня намалацілі з улікам рапсу 7,854 млн т збожжа, паведамляе БелТА са спасылкай на Мінсельгасхарч.

У разрэзе культур сабрана звыш 6,7 млн т збожжавых і зернебабовых культур, а таксама больш за 1,1 млн т рапсу.

Кукурузы на зерне сабрана 22 млн т (убрана 1,4% плошчы), на сілас і зялёны корм — амаль 3,32 млн т (убрана 13,5%). Грэчкі на сёння намалочана 16,9 млн т (34,3%).

Бульбы сабрана 35 тыс.т (6,7%), гародніны — 22,2 тыс. т (31,4%). Таксама выкапана 168 тыс.т (3,9%) цукровых буракоў.

Разам з уборкай ураджаю працягваюцца работы па нарыхтоўцы травяных кармоў: нарыхтавана больш за 4,76 млн т кармавых адзінак (48,5% да плана), што на адну ўмоўную галаву жывёлы складае 15,8 ц кармавых адзінак, або плюс 3,68 да ўзроўню мінулага года.