Галоўчанка на сустрэчы з Хабіравым абазначыў сферы супрацоўніцтва, якія патрабуюць большай увагі

У час сустрэчы з кіраўніком Башкартастана Радзіем Хабіравым прэм’ер-міністр Беларусі Раман Галоўчанка адзначыў важнасць дадатнай дынамікі адносін Беларусі і Башкартастана, а таксама абазначыў, якія сферы патрабуюць большай увагі, паведамляе БелТА.

«Станоўчая дынаміка ва ўсіх пытаннях: і ў колькасным вымярэнні тавараабароту, і ў якасным, у сумесных праектах, — яна нам жыццёва неабходна. Таму я прапанаваў бы даручыць нашай рабочай групе, якая дзейнічае актыўна, правесці, можа быць, нават пазачарговае пасяджэнне, і на працягу двух, максімум трох тыдняў праінфармаваць нас па сутнасці», — сказаў Раман Галоўчанка.

Кіраўнік беларускага ўрада адзначыў, што пазітыў у двухбаковых адносінах — вынік мэтанакіраванай, напружанай работы.

Раман Галоўчанка таксама абазначыў, якія сферы патрабуюць большай увагі. «Мы з вамі разумеем, што далейшае развіццё праекта (па вытворчасці беларуска-расійскіх тралейбусаў «Гаражанін». — Заўв. БелТА) стрымлівае недахоп вытворчых магутнасцей, — сказаў Раман Галоўчанка. — Хацелася б разумець часовыя рамкі рэалізацыі гэтага праекта, каб мы маглі дакладна разлічваць нашу збытавую стратэгію на будучыню. Запыты працягваюць паступаць з розных рэгіёнаў Расійскай Федэрацыі, таму трэба разумець, калі, дапусцім, калі ўжо прынятае рашэнне па гэтай пляцоўцы, яна зможа ўступіць у строй".

«У нас пакуль няма канчатковай яснасці па рэалізацыі другога праекта аб будаўніцтве завода па вытворчасці дарожна-будаўнічай тэхнікі, аб якой мы дамовіліся ў ходзе папярэдняй сустрэчы. Таму я б таксама папрасіў у ходзе гэтай нарады пазачарговай рабочай групы больш дакладна акрэсліць перспектывы рэалізацыі гэтага праекта.» Гэта пытанне да абодвух бакоў», — сказаў прэм’ер-міністр Беларусі.

Прэм’ер-міністр Беларусі Раман Галоўчанка знаходзіцца з рабочым візітам ва Уфе. Візіт прымеркаваны да афіцыйнага святкавання 450-годдзя заснавання горада.