Наша пошта, як вядома, вызначаецца мабільнасцю. Каб газеты, пісьмы, пасылкі, розныя тавары своечасова атрымаў адрасат, вадзіцелі працуюць кругласутачна. Вызначыць найлепшых у прафесіі сабраліся паштовыя кіроўцы ў канцы мінулага тыдня ў Брэсце.
Першы этап конкурсу быў тэарэтычны і крыху нагадваў экзамен у ДАІ. Другі этап прадугледжваў праверку машыны на спраўнасць. Трэба было знайсці некалькі няспраўнасцяў, з якімі нельга пачынаць рух. Апошні этап уяўляў сабой кіраванне машынай па аўтадроме, дзе фіксаваўся час.
І вось падведзены вынікі спаборніцтва, названы імёны пераможцаў. У агульнакамандным заліку першае месца заняла аўтатранспартная вытворчасць РУП «Белпошта», на другой прыступцы — каманда Гомельскага філіяла РУП «Белпошта», і трэцяе месца — у Магілёўскага філіяла РУП «Белпошта».
Першае месца сярод вадзіцеляў у класе «Пежо партнёр» заняў Сяргей Мінчукоў з Віцебскага філіяла РУП «Белпошта». Пераможцам у класе «ГАЗ 2705» стаў Аляксандр Шпілеўскі, прадстаўнік аўтатранспартнай вытворчасці галаўнога падраздзялення.
На другім месцы — Аляксандр Лянкевіч (галаўное падраздзяленне РУП «Белпошта») і Аляксандр Гірман (Магілёўскі філіял РУП «Белпошта). Трэцяе месца заваявалі Сяргей Шубёнак (Гомельскі філіял РУП «Белпошта») і Сяргей Жытковіч (Брэсцкі філіял РУП «Белпошта»).
Святлана ЯСКЕВІЧ
Фота Брэсцкага філіяла РУП «Белпошта»
Ад распрацоўкі лекаў да беспілотных аўтамабіляў.
«Наш слоган — „У нагу з часам“».
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
