11 чалавек загінулі, яшчэ 14 прапалі без вестак у выніку праліўных дажджоў, якія абрынуліся на горад Хулудаа (правінцыя Ляанін, Паўночна-Усходні Кітай). Пра гэта паведамілі гарадскія ўлады, перадае «Сіньхуа».
Чарговы лівень выклікаў надзвычай сур'ёзныя разбурэнні ў Хулудаа, асабліва ў гарадскіх паветах Цзяньчан і Суйчжун. Моцна пацярпелі дарогі, лініі электраперадач, сеткі сувязі, дамы і пасевы.
Цяпер у пацярпелых раёнах паступова аднаўляюцца дарогі і сеткі сувязі. Пошукі зніклых працягваюцца.
Паводле папярэдніх статыстычных дадзеных, у Хулудаа стыхіяй былі закрануты звыш 188,7 тысячы чалавек, нанесены ўрон ацэньваецца ў 10,3 мільярдаў юаняў (каля 1,44 млрд долараў). Акрамя таго, у той ці іншай ступені быў парушаны рух па 9 нацыянальных і правінцыйных шашы і 210 сельскіх дарогах, а таксама пашкоджана 187 мастоў.
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
Цэны на ліквіднае жыллё ў сталіцы выраслі на 5 працэнтаў.
