Следчае ўпраўленне УСК па Гомельскай вобласці ўстанавіла абставіны падману некалькіх соцень кліентаў з боку псеўдапрадаўца буйной гандлёвай пляцоўкі, паведамілаБелТА афіцыйны прадстаўнік УСК па Гомельскай вобласці Марыя Крываногава.
Па звестках следства, яшчэ ў 2018 годзе жыхарка Ваўкавыскага раёна Гродзенскай вобласці прыдумала схему падману людзей. У сацсетцы яна стварыла фіктыўны профіль і прапаноўвала на продаж моднае адзенне, абутак, папулярныя нехарчовыя тавары. Фатаграфіі тавару фігурантка спампоўвала з інтэрнэту і публікавала ў сваім акаўнце як прывабныя лоты з заніжаным коштам.
«Пры гэтым яна пазіцыянавала сябе як прадстаўнік найбуйнейшага ў Расіі аптова-рознічнага рэчавога рынку», — удакладніла афіцыйны прадстаўнік.
На прывабныя прапановы трапілі сотні жыхароў з розных рэгіёнаў Беларусі. У пагоні за выгаднымі пакупкамі людзі пераводзілі віртуальнай прадаўшчыцы перадаплату ў памеры ад 50 працэнтаў да 100 працэнтаў ад кошту тавару і згаджаліся на доўгае чаканне пастаўкі — ад 30 да 40 дзён.
У прызначаны дзень тавар не прыходзіў. Паміж заказчыкам і фігуранткай пачыналася перапіска. «Жанчына пад рознымі падставамі адцягвала момант завяршэння здзелкі. Раззлаваных кліентаў, якія пакідалі ў акаўнце гнеўныя каментарыі, блакавала. Пакупнікам, якія пагражалі звярнуцца ў міліцыю, вяртала грошы», — распавяла Марыя Крываногава.
Як устаноўлена, з лютага 2018 года па чэрвень 2023 года псеўдапрадавец шляхам падману завалодала грашыма 773 пацярпелыя на агульную суму больш як Br25 тыс.
40-гадовай жыхарцы Ваўкавыскага раёна прад’яўлена абвінавачанне па ч.3 арт.209 (махлярства, учыненае ў буйным памеры) КК. Падчас следства абвінавачаная поўнасцю кампенсавала ўрон. Акрамя таго, накладзены арышт на маёмасць на суму Br42 тыс., у тым ліку на два аўтамабілі, якія былі набыты ў перыяд учынення злачынства.
Наводзіць парадак — з розумам.
Міжнародная спецыялізіваная выстаўка жыллёва-камунальнай гаспадаркі пройдзе ў Мінску.
