Як паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, надвор’е гэтага тыдня будзе даволі нестабільным. Сіноптыкі прагназуюць ваганні атмасфернага ціску і тэмпературы паветра. Не абыдзецца і без дажджоў з навальніцамі. Сярэдняя тэмпература будзе адпавядаць кліматычнай норме. Раніцамі павысіцца верагоднасць туманаў.
У пачатку тыдня ўмовы надвор’я вызначаць вобласць высокага атмасфернага ціску. Аднак на паўночным усходзе краіны на іх паўплываюць атмасферныя франты, з якімі прыйдуць навальніцы і кароткачасовыя дажджы. Чакаецца ўмераны вецер з захаду і паўночнага захаду, а вільготнасць дасягне 90 працэнтаў. Начныя тэмпературы будуць вагацца ад плюс 10 да плюс 15, у аўторак днём ад 19 градусаў на ўсходзе да 26 градусаў у паўднёва-заходніх рэгіёнах.
Сярэдзіна тыдня адзначыцца ўплывам антыцыклону з цэнтрам над Балтыйскімі краінамі. Таксама да нас прыйдзе больш цёплае паветра з паўднёва-заходняй Еўропы. Ападкаў не чакаецца, будзе пераменная воблачнасць. Вецер умераны, з рознымі напрамкамі, вільготнасць да 70 працэнтаў. Тэмпература ноччу 9–14 градусаў. Днём у сераду паветра прагрэецца да 22–29 градусаў вышэй за нуль.
У пачатку другой паловы тыдня, паводле папярэдніх прагнозаў, умовы надвор’я будуць вызначацца вільготнымі і нестабільнымі паветранымі масамі з поўдня Еўропы, а таксама вобласцю высокага атмасфернага ціску. У чацвер ападкаў не прадбачыцца, чакаецца пераменная воблачнасць, а вось у пятніцу ўжо месцамі магчымы невялікія дажджы. Вільготнасць паветра дасягне 70 працэнтаў. Раніцай у некаторых раёнах можа назірацца туман. Вецер умераны, паўднёвага напрамку. Уначы тэмпература складзе ад 12 да 17 градусаў цяпла. Дзённыя тэмпературы ў чацвер будуць вагацца ад 21 градуса ў Гродне да 29 у Гомелі, а ў пятніцу па краіне чакаецца ад 17 да 21 градуса.
Не абнадзейваюць сіноптыкі і сухімі выхаднымі — чакаюцца дажджы і навальніцы. Раніцай і ноччу месцамі туман, бачнасць да 500 метраў. Вецер будзе ўмераным, паўночна-заходнім. Вільготнасць можа дасягаць 80 працэнтаў. Уначы тэмпература складзе ад 13 да 17 градусаў, а ў сярэдзіне дня ў суботу паднімецца да плюс 18. Нядзельныя тэмпературы будуць вар’іравацца ад плюс 13 градусаў на поўначы да плюс 21 на поўдні.
Уладзімір ВЯРЭНІЧ
Ён прапаноўвае грамадска-палітычны відэакантэнт, галоўныя навіны і ўсе тэлеканалы анлайн.
Восеньскія сельскагаспадарчыя кірмашы — абавязковы атрыбут восені.
