МЗС аб запуску беспілотнікаў з Украіны: у выпадку пашырэння канфлікту пажар ахопіць увесь рэгіён, уключаючы краіны ЕС

Парушэнне мяжы Беларусі ўкраінскімі ўдарнымі беспілотнікамі — вельмі сур’ёзны інцыдэнт. Гэтыя злачынныя дзеянні радыкальна эскаліруюць сітуацыю і ўяўляюць сабой небяспечную спробу пашырыць зону бягучага ў нашым рэгіёне канфлікту. Пра гэта гаворыцца ў каментары прэс-службы МЗС у сувязі з запускам украінскіх вайсковых беспілотнікаў на тэрыторыю Беларусі, паведамляе БелТА.

«9 жніўня 2024 года група запушчаных з тэрыторыі Украіны ўдарных беспілотных лятальных апаратаў парушыла мяжу Рэспублікі Беларусь і ў сувязі з гэтым была збітая сіламі СПА нашай краіны. Гэта вельмі сур’ёзны інцыдэнт, які не застанецца без належнай міжнародна-прававой і субстантыўнай ацэнкі, — гаворыцца ў каментары. — Дадзеныя злачынныя дзеянні радыкальна эскаліруюць калируют сітуацыю і ўяўляюць сабой небяспечную спробу пашырыць зону бягучага ў нашым рэгіёне канфлікту. Пры гэтым уцягнуць спрабуюць Беларусь, якая нязменна выступае за ўрэгуляванне крызісу і спыненне кровапраліцця».

У МЗС падкрэслілі, што такія крокі робяцца ўкраінскім кіраўніцтвам пры відавочным папушчальніцтве або нават падбухторванні вядомых знешніх гульцоў. «Рашуча заклікаем гэтыя бакі адумацца і спыніцца. Звяртаемся да народаў суседняй Еўропы: у выпадку пашырэння канфлікту пажар ахопіць увесь рэгіён і перакінецца ў тым ліку на краіны ЕС. Пераможцаў не будзе! Астудзіце ваяўнічых палітыкаў!»- заклікалі ў беларускім знешнепалітычным ведамстве.

У сувязі з небяспекай сітуацыі і глабальнымі рызыкамі МЗС Беларусі неадкладна давядзе падрабязную інфармацыю пра інцыдэнт да профільных структур ААН і АБСЕ, а таксама да членаў міжнародных арганізацый і аб’яднанняў, удзельнікам якіх з’яўляецца Рэспубліка Беларусь. «Намі таксама будуць ініцыяваныя адпаведныя кансультацыі са сваімі саюзнікамі і партнёрамі, а таксама па лініі міжнародных структур», — адзначылі ў МЗС.

«Зразумела, Беларусь будзе ў поўнай меры выкарыстаць сваё права на самаабарону і належным чынам адказваць на любыя правакацыі або варожыя дзеянні», — падкрэслілі ў дыпведамстве.

Прэв’ю: БелТА