На разгляд у суд накіравана крымінальная справа ў дачыненні да 30-гадовай раней неаднаразова судзімай гараджанкі, якую абвінавачваюць у здзяйсненні крадзяжу, паведамляюць «Минск-Новости» са спасылкай на пракуратуру Партызанскага раёна.
Абвінавачаная ў інтэрнеце пазнаёмілася з мужчынам, з якім некалькі разоў сустракалася ў яго кватэры на вул. Шчарбакова. У адзін з такіх прыездаў яны выпілі, кавалер заснуў. Госця засумавала і выклікала з мабільнага тэлефона мужчыны таксі, каб паехаць дадому.
Сыходзячы, яна прыхапіла з сабой яго гаджэт і банкаўскую плацежную карту, якой пасля некалькі разоў разлічвалася ў краме за спіртное.
Выявіўшы знікненне маёмасці, мінчанін звярнуўся ў міліцыю. У дачыненні да яго нячыстай на руку госці распачалі чарговую крымінальную справу за крадзеж. Нанесены пацярпеламу ўрон склаў 365 рублёў.
— Абвінавачаная нідзе афіцыйна не працаўладкавана, раней неаднаразова прыцягвалася да крымінальнай адказнасці, у тым ліку за ўчыненне аналагічных злачынстваў, мае не знятую і не пагашаную ва ўстаноўленым законам парадку судзімасць, — пракаментаваў намеснік пракурора Партызанскага раёна Цімур Стужук. — Ёй прад’яўлена абвінавачанне ў тайным выкраданні маёмасці (крадзяжы), учыненым паўторна, гэта значыць у злачынстве, прадугледжаным ч. 2 арт. 205 КК Рэспублікі Беларусь, санкцыя якой — аж да чатырох гадоў пазбаўлення волі. Віну грамадзянка прызнала, у зробленым раскаялася. Згодна з заключэннем эксперта, яна мае патрэбу ў прымусовым лячэнні ад хранічнага алкагалізму.
У дачыненні да абвінавачанай выбрана мера стрымання ў выглядзе падпіскі аб нявыездзе і належных паводзінах.
Наводзіць парадак — з розумам.
Міжнародная спецыялізіваная выстаўка жыллёва-камунальнай гаспадаркі пройдзе ў Мінску.
