У Беларусі зацвердзілі палажэнне аб адзіным рэестры маршрутак і таксі

У Савеце Міністраў Беларусі зацвердзілі палажэнне аб адзіным рэестры таксі і маршрутак, паведамляе Нацыянальны прававы Інтэрнэт-партал.

Згодна з ім, на дзяржаўным інфармацыйным рэсурсе «Рэестр аўтамабільных перавозак пасажыраў у нерэгулярных зносінах» устаноўлена форма ўліку заказаў — нявыкананых і выкананых, у тым ліку і тых, якія былі атрыманы пры выкарыстанні інфармацыйных рэсурсаў і сістэм.

Такое рашэнне прынята пастановай Савета Міністраў нумар 565 ад 1 жніўня 2024 года.