Мінпрацы: дзяржава зацікаўлена ў аказанні бізнесам сацыяльных паслуг з пражываннем

Дзяржава зацікаўлена ў аказанні бізнесам сацыяльных паслуг з пражываннем пажылым грамадзянам і інвалідам. Гэта адзначыла начальнік Галоўнага ўпраўлення сацыяльнага абслугоўвання і сацыяльнай дапамогі Міністэрства працы і сацыяльнай абароны Кацярына Каляда на круглым стале «Ліцэнзаванне ў галіне сацыяльнага абслугоўвання» ў БелТА.

«У сферы сацыяльнага абслугоўвання дзяржава не з’яўляецца манапалістам і зацікаўленая ў тым, каб гэты рынак актыўна развіваўся, у тым ліку за кошт бізнэсу», — сказала Кацярына Каляда.

Яна заўважыла, што такі дэмаграфічны трэнд, як старэнне насельніцтва, ніхто не адмаўляе. Колькасць грамадзян старэйшых за 65 гадоў расце — цяпер гэта 17% ад агульнай колькасці жыхароў краіны. У адпаведнасці з дэмаграфічным прагнозам да 2030 года колькасць людзей ва ўзросце 65 гадоў і старэй складзе каля 20%. Попыт на сацыяльныя паслугі, у тым ліку ў стацыянарнай форме, у сувязі з гэтым будзе толькі ўзрастаць, дадала начальнік Галоўнага ўпраўлення.

Кацярына Каляда адзначыла, што ключавая задача дзяржавы заключаецца ў тым, каб прывесці да адзінага стандарту дзейнасць арганізацый у сферы сацыяльнага абслугоўвання, у якіх кругласутачна пражываюць пажылыя людзі і інваліды.

У Беларусі з 1 ліпеня запрацаваў інстытут ліцэнзавання ў дачыненні да дзейнасці прыватных арганізацый, якія ажыццяўляюць дзейнасць па аказанні сацыяльных паслуг з пражываннем. Увага будзе нададзена бяспечным умовам знаходжання грамадзян у сацыяльных пансіянатах і якаснаму аказанні сацыяльных паслуг.

Сацпаслугі з пражываннем у цяперашні час прадастаўляюць 90 дзяржаўных сацыяльных пансіянатаў і 23 суб’екта гаспадарання прыватнай формы ўласнасці, дадала Кацярына Каляда.

Прэв’ю: БелТА