Адной з тэм рабочай паездкі Прэзідэнта Беларусі Аляксандра Лукашэнкі ў Смалявіцкі раён Мінскай вобласці сталі работы ў сельскай гаспадарцы. Аб гэтым далажыў старшыня Мінскага аблвыканкама Аляксандр Турчын, перадае БелТА.
Масавую ўборку ў рэгіёне скончаць на працягу тыдня. Чакаецца намалот 2,1 млн. т збожжа з улікам рапсу. Яшчэ разлічваюць атрымаць каля 600 тыс. т зерня кукурузы.
«На сённяшні дзень 80 працэнтаў убралі збожжавых — 1,408 млн т — гэта без рапсу. Плюс 315 тыс. т на раніцу рапсу намалацілі. Усяго ў нас ёсць 1,7 млн т. Масавую ўборку мы скончым да канца бягучага тыдня. З улікам рапсу, я думаю, у нас будзе 2,100 млн т. Гэта без кукурузы. Дзе-то 1,8 млн т збожжавых і 320 тыс. т рапсу. сёлета атрымаем», — расказаў Аляксандр Турчын.
Ён заявіў, што вобласць нават гатова пры неабходнасці на ўмовах аплаты камусьці падставіць плячо ў пытанні здачы збожжа ў лік дзяржзаказу. Рэгіён у тым ліку выконвае дзяржзаказ па піваварным ячмені. Гэта нараўне з рапсам дае выдатны фінансавы вынік для гаспадарак.
Кіраўнік дзяржавы таксама пацікавіўся ходам будаўніцтва і рэканструкцыі жывёлагадоўчых комплексаў. Гэтую работу ў Мінскай вобласці разлічваюць завяршыць на працягу трох гадоў. «Дай Бог, каб за тры», — адрэагаваў кіраўнік дзяржавы.
Аляксандр Лукашэнка падкрэсліў, што ва ўсім важная дысцыпліна, і ў Мінскай вобласці ёсць яшчэ дастатковая колькасць гаспадарак, якія трэба падцягваць да пэўнага ўзроўню. «Пакуль у Мінскай вобласці чарапаласіца. Ёсць добрыя гаспадаркі — люба-дорага паглядзець», — сказаў Прэзідэнт.
Коратка абмеркавалі і ліквідацыю наступстваў стыхіі ў Мінскай вобласці. Сталічны рэгіён у гэтым плане пацярпеў менш, чым больш паўднёвыя рэгіёны. Парадак у цэлым ужо наведзены, усё робіцца ва ўстаноўленыя тэрміны, аператыўна аказана дапамога людзям, у якіх на дамах былі пашкоджаны дахі.
Ён прапаноўвае грамадска-палітычны відэакантэнт, галоўныя навіны і ўсе тэлеканалы анлайн.
Восеньскія сельскагаспадарчыя кірмашы — абавязковы атрыбут восені.
