23 — 25 жніўня Навагрудак святкуе 980-годдзе з часу першай згадкі паселішча ў летапісах.
23 жніўня пройдзе навукова-практычная канферэнцыя «Навагрудскія чытанні: гісторыя і сучаснасць Навагрудскага края». Вучоныя, краязнаўцы, усе, хто спрычыніўся да розных аспектаў гісторыі Навагрудчыны, падзеляцца сваімі даследваннямі, раскажуць тое новае, што ўдалося адкрыць у архівах і праз знаёмства з старадрукамі.
Пройдзе ў адзін са святочных дзён і фестываль гістарычнай рэканструкцыі, сярэдневечнай музыкі і танцаў «Меч караля». Аматараў сур’ёзнай класічнай музыкі запрашаюць на вечар «Гістарычны бал» з удзелам Сімфанічнага аркестра Нацыянальнай тэлерадыёкампаніі Рэспублікі Беларусь і народных артыстаў Беларусі Анастасіі Масквіной і Уладзіміра Громава.
25 жніўня на пляцоўцы, якую разгорне Навагрудская раённая бібліятэка, пройдзе літаратурна-музычны салон з удзелам Саюза пісьменнікаў Беларусі.
Гасцей свята чакае і мноства іншых сустрэч з вядомымі эстраднымі выканаўцамі і славутымі музычнымі, мастацкімі калектывамі. Навагрудак запрашае на свята, якое з часам таксама стане гісторыяй гэтага ўнікальнага горада, гэтай унікальнай старонкі нашай краіны.
Мікола Берлеж,
фота: belarus.by
Цяпер на продаж прапаноўваецца менш як 7,5 тысячы кватэр, а раней звыш 10 тысяч
Наводзіць парадак — з розумам.
