Кіраўнік МЗС Беларусі Рыжанкоў прыбыў у Кітай

Міністр замежных спраў Беларусі Максім Рыжанкоў прыбыў з візітам у Кітай, паведамляе БелТА.

Кіраўнік МЗС наведвае КНР з афіцыйным візітам з 6 па 9 ліпеня па запрашэнні міністра замежных спраў Кітая Ван І.

Раней, будучы ў сталіцы Казахстана Астане, дзе прайшоў саміт ШАС на ўзроўні лідараў краін, Максім Рыжанкоў падзяліўся з журналістамі падрабязнасцямі праграмы свайго візіту ў Кітай.

Маюцца быць пратакольныя, але вельмі важныя афіцыйныя мерапрыемствы, звязаныя з урачыстым узняццем Дзяржаўнага сцяга Беларусі ў штаб-кватэры ШАС у Пекіне — на саміце ў Астане наша краіна стала паўнапраўным членам гэтай арганізацыі. «Гэта робіцца ў прысутнасці дыпламатычнага корпуса з адпаведным пратакольным антуражам», — растлумачыў Максім Рыжанкоў.

Акрамя таго прадугледжаны цэлы шэраг сустрэч непасрэдна з кітайскімі прадстаўнікамі. Ключавая сустрэча мае быць з міністрам замежных спраў КНР Ван І. «Мы хочам падняць усе пытанні бягучага стану спраў паміж Беларуссю і Кітаем. Палітыка-дыпламатычнага, эканамічнага характару», — сказаў міністр.

Паводле яго слоў, трэба будзе таксама сустрэча з кіраўніцтвам агенцтва па развіцці, якое займаецца рэалізацыяй праектаў за граніцай. Будуць падрабязна абмяркоўвацца такія буйныя сумесныя праекты, як індустрыяльны парк «Вялікі камень», развіццё беларускай нацыянальнай біятэхналагічнай карпарацыі, і іншыя. «Таксама трэба замацаваць дамоўленасці, якіх сёння дасягнулі Прэзідэнты, аб выдзяленні Кітайскай Народнай Рэспублікай гранта — каля 100 млн юаняў для рэалізацыі сацыяльных праектаў на тэрыторыі Беларусі», — заявіў Максім Рыжанкоў.

Чакаюцца і сустрэчы міністра ў міжнародным аддзеле ЦК Кампартыі Кітая. «У нас вельмі добрыя кантакты былі ў Адміністрацыі (гаворка пра папярэдняе месца працы Максіма Рыжанкова ў кіраўніцтве Адміністрацыі Прэзідэнта. — Заўвага БелТА). Але я прыеду ўжо ў іншым статусе. Гэта вельмі важная тэма для развіцця палітыка-дыпламатычнага дыялогу з КНР», — адзначыў ён.

Максім Рыжанкоў таксама плануе наведаць у Кітаі шэраг прадпрыемстваў і арганізацый.

Як паведамлялася БелТА, Прэзідэнт Беларусі Аляксандр Лукашэнка і старшыня КНР Сі Цзіньпін у Астане на палях саміту ШАС правялі перагаворы.

Сі Цзіньпін перш за ўсё павіншаваў Аляксандра Лукашэнку з атрыманнем Беларуссю новага статусу ў Шанхайскай арганізацыі супрацоўніцтва. «Учора ў вашай краіне адзначылі Дзень незалежнасці, а сёння ваша краіна стала паўнавартасным членам ШАС. Я вас горача віншую», — сказаў кітайскі лідар.

Ён нагадаў, што летась Прэзідэнт Беларусі двойчы наведаў з візітам Кітай. Падчас праведзеных перагавораў бакі намецілі планы па развіцці ўсепагоднага і стратэгічнага партнёрства. Шчыльныя кантакты падтрымліваюцца на ўсіх узроўнях.

«Мы абавязкова будзем спрыяць далейшаму стабільнаму развіццю нашых адносін», — заявіў Сі Цзіньпін. Пры гэтым, дадаў кітайскі лідар, бакі маюць намер рухацца ў гэтым кірунку сямімільнымі крокамі.

Аляксандр Лукашэнка ў сваю чаргу выказаў падзяку Старшыні КНР і міністру замежных спраў Кітая за каласальную падтрымку Беларусі на шляху да сяброўства ў ШАС.

«Я вельмі рады, што вы становіцеся старшынёй (у 2025 годзе Кітай будзе старшынстваваць у ШАС. — Заўвага. Гэта значыць, што ў мяне будзе лішняя магчымасць у будучым годзе наведаць Кітайскую Народную Рэспубліку. Я выпісаў вашыя ініцыятывы, якія вы прасоўваеце ў ШАС (глабальная бяспека, глабальнае развіццё, глабальная цывілізацыя, глабальнае кіраванне штучным інтэлектам — вы ўжо заўважылі і станоўчае, і адмоўнае ў штучным інтэлекце), — мы ўсяляк падтрымліваем усе вашыя ініцыятывы. Асабліва галоўную ініцыятыву – па ўрэгуляванні ўкраінскага крызісу. Гэтая ініцыятыва сугучная з ініцыятывай Бразіліі», — адзначыў Прэзідэнт.

Правёўшы асноўную двухбаковую сустрэчу з удзелам дэлегацый, лідары Беларусі і Кітая вярнуліся на саміт у фармаце «ШАС плюс», а пасля зноў аднавілі перагаворы, але ўжо сам-насам. Аляксандр Лукашэнка і Сі Цзіньпін размаўлялі доўга, пры неабходнасці падключаючы да размовы міністра замежных спраў КНР.