Маладзёжны інтэрактыўны праект «ПІН_КОД» запусціў акцыю для маладых людзей ва ўзросце ад 16 да 22 гадоў. Школьнікі і студэнты цяпер маюць унікальную магчымасць прыняць удзел у рэаліці «Летняя школа ПІН_КОДа» і пазмагацца за галоўны прыз — стажыроўку на тэлебачанні.
Гэты праект дае ўдзельнікам шанц паглыбіцца ў атмасферу тэлевізійнай кухні, стаўшы часткай творчай каманды галоўнай маладзёжнай праграмы краіны. Маладыя людзі змогуць прайсці сапраўдную прафесійную школу: навучацца працаваць у кадры і за кадрам, асвояць тэхнікі стварэння відэасюжэтаў, спазнаюць нюансы падрыхтоўкі праграмы, а яшчэ паспрабуюць сябе ў ролі карэспандэнтаў і нават прымуць удзел у прамых эфірах тэлепраекта. Хлопцаў і дзяўчат чакаюць майстар-класы ад дзеючых аўтараў, карэспандэнтаў і вядучых праекта, а таксама выкананне творчых заданняў, ацэнку якім дадуць тэлегледачы і прафесійныя журналісты.
Для ўдзелу ўсе ахвотныя могуць падаць заяўку да 15 ліпеня праз тэлеграм-бот «Летняя шола ПІН_КОД». Сярод патрабаванняў, акрамя ўзроставых абмежаванняў, — шырокі кругагляд, чыстае маўленне, магчымасць штотыднёва наведваць майстар-класы і выконваць хатнія заданні і, галоўнае, жаданне вучыцца, развівацца і працаваць над памылкамі.
Тых, чыя заяўка пройдзе адбор, чакаюць вочныя кастынгі і ўдзел у праекце. І там ужо кожны тыдзень вас чакае напал працаздольнасці, таленту і крэатыву. Так, удзельнік, які набярэ па выніках тыдня найменшую колькасць балаў, пакіне праект. А пераможцу чакае месячная стажыроўка на тэлепраекце «ПІН_КОД» і потым шанц застацца працаваць у ім карэспандэнтам. Спрабуйце і праяўляйце сябе!
Алена ДРАПКО
«Абавязак кожнага беларуса — прагаласаваць за сваю будучыню».
Новая гісторыя гістарычнага факультэта.
Мы змаглі пераадолець наступствы заходняга санкцыйнага ціску.
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
