Вы тут

Узоры адзення дзелавога стылю распрацавалі для мінскіх школьнікаў


У Мінску ў новым навучальным годзе будзе рэалізаваны пілотны праект увядзення адзінай школьнай формы. Фатаграфіі ўзораў адзення дзелавога стылю для навучэнцаў размясцілі на сайце камітэта па адукацыі Мінгарвыканкама, паведамляе БелТА.


Фота Мінгарвыканкама

«Распрацавана новая лінейка, якая фарміруе адзіны вобраз сталічнага школьніка. Канцэрн „Беллегпрам“ прадставіў варыянты калекцый, якія прапаноўвалі бацькам для папярэдняй замовы. На этапе ўзгаднення эскізаў праводзілі грамадскае абмеркаванне, у яго былі ўцягнуты дзеці, бацькі, педагогі. Яны выказвалі сваё меркаванне, уносілі прапановы, у тым ліку калі бачылі неабходнасць дадаць нейкія элементы», — расказала першы намеснік старшыні камітэта па адукацыі Мінгарвыканкама Людміла Барысенка.

Да пілотнага праекта далучыліся 20 устаноў адукацыі. «Акрамя гэтай лінейкі можна набыць варыянты мінулага года. Магчыма, дададуцца новыя ўзоры. Калекцыя капсульная, гэта значыць усе рэчы можна камплектаваць паміж сабой, фарміраваць некалькі вобразаў. Першачарговае — выбар бацькоў, што купіць свайму дзіцяці на наступны навучальны год. У гандлёвай сетцы прадстаўлены шырокі асартымент адзення дзелавога стылю, узнікае шмат пытанняў. Прапанавалі ўніфікаваны варыянт», — адзначыла Людміла Барысенка.

Прадпрыемствы распрацавалі вырабы для кожнай полаўзроставай групы. У асноўную калекцыю ўваходзяць толькі тэкстыльная і трыкатажная групы: спадніцы, штаны, сарафаны, бомберы, пінжакі, камізэлькі. Яны выкананы ў адзінай цёмна-сіняй каляровай гаме і стылі. Дадатковыя элементы — кашулі, гольфы, абутак — падбіраюцца самастойна. Таксама можна набыць спецыяльны шэўрон — адметны знак, дзе намаляваны сімволіка Рэспублікі Беларусь і герб Мінска.

Выбар рэдакцыі

Культура

Сусвет пад крыламі наміткі

Сусвет пад крыламі наміткі

Гутарка з мастацтвазнаўцам Марыяй Віннікавай.

Грамадства

Стыхія нарабіла бяды

Стыхія нарабіла бяды

Энергетыкі працягваюць аднаўленчыя работы пасля разгулу стыхіі ў 1,2 тысячы населеных пунктаў.

Адукацыя

Прыёмная кампанія: фініш блізка

Прыёмная кампанія: фініш блізка

17 ліпеня — апошні дзень, калі ў абітурыентаў прымаюць дакументы на бюджэтную форму навучання.  

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.