Вы тут

DPA: Германія блакуе ўзгадненне новага пакета санкцый ЕС супраць Расіі


Урад Германіі блакуе ўзгадненне новага пакета санкцый Еўрасаюза супраць Расіі, якія накіраваны на ўзмацненне кантролю за абыходам абмежавальных мер, а таксама датычацца экспарту расійскага звадкаванага прыроднага газу (ЗПГ). Аб гэтым паведамляе ТАСС са спасылкай на агенцтва DPA.


Фота: pexels.com

На думку агенцтва, «сумненні і пажаданні ўнесці папраўкі» з боку Берліна з’яўляюцца вырашальнай прычынай, чаму санкцыйны пакет да гэтага часу не ўзгоднены. «Апошнім часам узнікае адчуванне, што Германія стала новай Венгрыяй», — заявіў DPA неназваны прадстаўнік ЕС, нагадваючы пра шматлікія выпадкі, калі Будапешт блакаваў працэс узгаднення санкцый супраць Расіі.

Новы пакет санкцый накіраваны на барацьбу з абыходам раней прынятых абмежавальных мер, у прыватнасці, размова ідзе аб магчымасцях расійскага АПК закупляць заходнія тэхналогіі. Іншая частка санкцый датычыцца экспарту расійскага звадкаванага прыроднага газу. ЕС хоча забараніць выкарыстоўваць еўрапейскія парты для адпраўкі судоў з расійскім ЗПГ у трэція краіны.

Еўрапейскія дыпламаты заявілі агенцтву, што Германію непакоіць найперш першы кампанент будучага санкцыйнага пакета. Так, Берлін патрабуе поўнасцю выключыць з новых санкцый прапанаваную новую меру па прыцягненню да адказнасці замежных філіялаў прадпрыемстваў за парушэнне санкцыйнага рэжыму або абмежаваць яе дзеянне толькі на кампаніі, якія вырабляюць пэўныя тавары. У Германіі асцерагаюцца, што ў адваротным выпадку могуць пацярпець нямецкія кампаніі, піша DPA. Улады Германіі таксама лічаць некаторыя меры залішнімі і хочуць дабіцца іх змякчэння, як, напрыклад, абмежаванняў па выкарыстанні расійскай сістэмы абмену фінансавай інфармацыяй.

Выбар рэдакцыі

Культура

Сусвет пад крыламі наміткі

Сусвет пад крыламі наміткі

Гутарка з мастацтвазнаўцам Марыяй Віннікавай.

Грамадства

Стыхія нарабіла бяды

Стыхія нарабіла бяды

Энергетыкі працягваюць аднаўленчыя работы пасля разгулу стыхіі ў 1,2 тысячы населеных пунктаў.

Адукацыя

Прыёмная кампанія: фініш блізка

Прыёмная кампанія: фініш блізка

17 ліпеня — апошні дзень, калі ў абітурыентаў прымаюць дакументы на бюджэтную форму навучання.  

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.