Вы тут

Шміт пракаменціраваў адмову Інтэрпала шукаць яго


 Інтэрпал павінен займацца пошукам злачынцаў, а не праследаваць людзей за іх палітычную і грамадзянскую пазіцыю. Аб гэтым у сваім Telegram-канале заявіў польскі дысідэнт, суддзя Томаш Шміт, каменціруючы адмову Інтэрпала шукаць яго, паведамляе БелТА.


Фота БелТА

«Мы лічым, што Інтэрпал павінен займацца пошукам сапраўдных злачынцаў, а не праследаваць асоб за іх палітычную і грамадзянскую пазіцыю. Мая справа поўнасцю сфабрыкавана. Нягледзячы на мае патрабаванні аб азнаямленні з матэрыяламі справы, мне да гэтага часу не прыйшло ніводнай паперы. Я проста выехаў з Польшчы ў свой водпуск. Нічога не парушыў. Проста выказаў сваё меркаванне», — упэўнены Томаш Шміт.

Ён канстатаваў, што ў Польшчы больш няма свабоды слова, а любая згадка Расіі і Беларусі ў любым кантэксце праследуецца ўладамі.

Таксама польскі дысідэнт, суддзя Томаш Шміт накіраваў заяву ў адрас генеральнага пракурора Польшчы і нацыянальнага пракурора Польшчы з просьбай распачаць крымінальную справу ў дачыненні да кіраўніка МЗС Польшчы Радаслава Сікорскага.

Ён адзначыў, што такое рашэнне было прынята з прычыны таго, што супраць яго было ўчынена злачынства Радаславам Сікорскім. «Міністр замежных спраў Польшчы Радаслаў Сікорскі ў польскіх СМІ не раз называў мяне здраднікам. Я не з’яўляюся здраднікам, няма такога артыкула, мяне не асудзілі за здраду, — падкрэсліў Томаш Шміт. — Афіцыйная асоба, такая як міністр, не мае права выказваць без суда і следства такое меркаванне. І такія ўчынкі ў адпаведнасці з польскім законам падлягаюць пакаранню.

Пасольства Польшчы адмовілася прыняць у Томаша Шміта пакет дакументаў.

Па словах Томаша Шміта, ці будзе мець гэты зварот нейкі эфект — невядома. «Але гэту заяву я перадаю праз пошту і праз электронную пошту. Усё падпісана і гатова да адпраўкі», — сказаў ён.

Выбар рэдакцыі

Культура

Сусвет пад крыламі наміткі

Сусвет пад крыламі наміткі

Гутарка з мастацтвазнаўцам Марыяй Віннікавай.

Грамадства

Стыхія нарабіла бяды

Стыхія нарабіла бяды

Энергетыкі працягваюць аднаўленчыя работы пасля разгулу стыхіі ў 1,2 тысячы населеных пунктаў.

Адукацыя

Прыёмная кампанія: фініш блізка

Прыёмная кампанія: фініш блізка

17 ліпеня — апошні дзень, калі ў абітурыентаў прымаюць дакументы на бюджэтную форму навучання.  

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.