Вы тут

Беларускія гімнасткі заваявалі больш за 20 узнагарод турніру «Гран-пры «Нябесная грацыя»


У сталіцы завяршыліся міжнародныя спаборніцтвы па мастацкай гімнастыцы «Гран-пры «Нябесная грацыя», паведамляе БелТА.


Фота: Міністэрства спорту

Удзел у турніры прынялі 120 гімнастак з шасці краін — Беларусі, Расіі, Арменіі, Кыргызстана, Узбекістана і Азербайджана. Спартсменкі разыгралі медалі ў трох узроставых катэгорыях: сеніёркі, юніёркі і прэ-юніёркі. У самым прэстыжным відзе праграмы — мнагабор’і ў сеніярок — серабро заваявала наша Дар’я Вярэніч, уступіўшы толькі расіянцы Марыі Барысавай. Таксама на рахунку Вераніч два медалі ў фіналах асобных відаў: золата ў практыкаванні з абручом і бронза са скакалкай. Трохразовым прызёрам «Нябеснай грацыі» стала беларуска Аліна Рэчкіна, у яе актыве два сярэбраныя (мяч, булавы) і бронза (абруч). Другі вынік у кампазіцыі са скакалкай паказала наша Дар’я Грохатава, якая таксама была трэцяй у фінале са стужкай. У групавых практыкаваннях беларускія каманды занялі першае і трэцяе месцы.

У спаборніцтвах юніёрак чатыры ўзнагароды з шасці магчымых сабрала Ніколь Леўта: беларуска выйграла золата ў кампазіцыі з абручом і набрала другую суму ў мнагаборстве і ў фінале са стужкай. Акрамя таго, Леўта атрымала бронзу ў праграме з мячом, дзе першынствавала заваявала яе сяброўка па зборнай Кіра Бабкевіч. Два медалі заваявала наша Ніка Косціна (серабро з абручом і бронзу са скакалкай), яшчэ адно трэцяе месца дадала Маргарыта Журавіч (булавы). У групавых практыкаваннях беларускія юніёркі сталі найлепшымі.

У спаборніцтвах прэ-юніёрак спартсменкі нашай каманды выйгралі пяць узнагарод (1-2-2). На п’едэстал у кожным з трох відаў праграмы трапіла Вера Ларычкова (золата і дзве бронзы). Такім чынам, агульны вынік грацый з Беларусі на турніры ў Мінску склаў 24 медалі (шэсць залатых, дзевяць сярэбраных і дзевяць бронзавых).

Спаборніцтвы ў сталіцы Беларусі былі арганізаваны Міжнароднай асацыяцыяй клубаў мастацкай гімнастыкі «Нябесная грацыя», прэзідэнтам якой з’яўляецца алімпійская чэмпіёнка Аліна Кабаева.

Выбар рэдакцыі

Культура

Стасся Корсак: «Заставайцеся індывідуальнымі»

Стасся Корсак: «Заставайцеся індывідуальнымі»

Юная артыстка, якая арганічна падае сябе ў розных вобразах і жанрах. 

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.