Вы тут

У апошняй дэкадзе вясны да 28 цяпла ў нас бывае нячаста


Нябесная канцэлярыя просіць прабачэння за майскія замаразкі. Гэтымі днямі ўсталюецца амаль ліпеньская спякота, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота БелТА

У аўторак будзе пераменная воблачнасць. Ноччу месцамі, а днём на большай частцы тэрыторыі пройдуць кароткачасовыя дажджы, прагрымяць навальніцы. У дзённыя гадзіны ў асобных раёнах моцныя дажджы. Ноччу і раніцай месцамі слабы туман. Вецер паўднёва-ўсходні, удзень 3—8 м/с. Пры навальніцах парывы ўзмоцняцца да 14 м/с. Тэмпература паветра ўначы складзе плюс 8—14 градусаў, удзень — плюс 22—27 градусаў.

У сераду ўмовы надвор'я ў нашай краіне будзе вызначаць франтальны раздзел і цёплая няўстойлівая паветраная маса. Захаваецца пераменная воблачнасць. Ноччу месцамі, днём на большай частцы тэрыторыі пройдуць кароткачасовыя дажджы. У асобных раёнах навальніцы. Ноччу і раніцай месцамі слабы туман. Вецер усходняй чвэрці ўмераны, пры навальніцах парывісты. Тэмпература паветра мінімальная ноччу ад 9 да 15 цяпла, максімальная днём 21—28 градусаў.

Не майскае цяпло будзе і ў чацвер. Захаваецца ўплыў цёплай няўстойлівай паветранай масы. Чакаецца пераменная воблачнасць. Ноччу пераважна без ападкаў, днём на большай частцы тэрыторыі краіны кароткачасовыя дажджы, у асобных раёнах навальніцы. Ноччу і раніцай месцамі слабы туман. Вецер паўднёва-ўсходні ўмераны, пры навальніцах парывісты. Тэмпература паветра ўначы ад плюс 9 да 16 цяпла, а максімальная днём — 22—28 градусаў.

У пятніцу месцамі ў паўднёва-заходняй частцы краіны пройдуць кароткачасовыя дажджы, навальніцы. Ноччу і раніцай у асобных раёнах слабы туман. Тэмпература паветра ўначы будзе ад плюс 7 градусаў па паўночным усходзе да плюс 15 па паўднёвым захадзе, днём — ад плюс 20 да плюс 27 градусаў.

Згодна з папярэднім прагнозам сіноптыкаў, у апошнія выхадныя мая жыхары краіны па-ранейшаму будуць атрымліваць асалоду ад летняга цяпла. Пры гэтым без ападкаў не абыдзецца.

У суботу месцамі па паўднёвым захадзе краіны прагназуюцца кароткачасовыя дажджы, навальніцы. У начныя і ранішнія гадзіны ў асобных раёнах слабы туман. Ноччу сіноптыкі абяцаюць ад плюс 5 градусаў па паўночным усходзе да плюс 15 па паўднёвым захадзе, днём — ад плюс 21 да плюс 28 градусаў.

У нядзелю пераважна без ападкаў, толькі ў асобных раёнах па паўднёвым захадзе, а днём і па поўначы краіны чакаюцца кароткачасовыя дажджы, магчымыя навальніцы. У начныя і ранішнія гадзіны ў асобных раёнах слабы туман. Ноччу слупкі тэрмометраў падымуцца да плюс 7—14 градусаў, днём — да 21—28 цяпла.

Сяргей КУРКАЧ

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».