Вы тут

Сі Цзіньпін падкрэсліў неабходнасць паскарэння ператварэння Кітая ў турыстычную дзяржаву


Старшыня КНР Сі Цзіньпін падкрэсліў неабходнасць прыкладаць намаганні для ўдасканалення сучаснай сістэмы турызму і паскарэння ператварэння Кітая ў турыстычную дзяржаву, перадае «Сіньхуа».


Сі Цзіньпін, які таксама з’яўляецца генеральным сакратаром ЦК КПК і старшынёй Цэнтральнага ваеннага савета, зрабіў такую заяву, даючы важныя ўказанні па рабоце, звязанай з турыстычным сектарам.

Старшыня КНР адзначыў, што Кітай сфарміраваў найбуйнейшы ў свеце рынак унутранага турызму і стаў найбуйнейшай краінай — крыніцай міжнародных турыстаў, а таксама адным з вядучых турыстычных напрамкаў.

Турыстычны сектар Кітая ўсё больш імкліва ператвараецца ў стратэгічную апорную галіну, якая павышае народны дабрабыт, канстатаваў ён, падкрэсліўшы, што краіна паспяхова вышла на шлях развіцця турызму з адметнай спецыфікай. Пры гэтым, акцэнтаваў увагу Сі Цзіньпін, развіццё турыстычнай галіны сутыкаецца як з новымі магчымасцямі, так і з выклікамі. Старшыня КНР заклікаў прымяняць цэласны падыход у адносінах да дзяржавы і рынку, попыту і прапановы, захавання і асваення, унутранага і міжнароднага, а таксама развіцця і бяспекі.

Ён падкрэсліў важнасць развіцця турыстычнай галіны для далейшага эканамічнага росту, дэманстрацыі іміджу Кітая і пашырэння ўзаемнага навучання паміж цывілізацыямі. Усе рэгіёны і ведамствы павінны практычнымі дзеяннямі садзейнічаць высакаякаснаму развіццю турыстычнай галіны і забяспечваць яе стабільны і ўстойлівы рост, падкрэсліў кітайскі лідар.

У Пекіне адбылася Усекітайская нарада па развіцці турыстычнай галіны. На мерапрыемстве член Палітбюро ЦК КПК, загадчык Аддзела прапаганды ЦК КПК Лі Шулэй зачытаў указанні Сі Цзіньпіна і выступіў з прамовай. Заклікаўшы вывучаць і ўвасабляць у жыццё ўказанні і важныя развагі старшыні КНР аб развіцці турыстычнага сектара, Лі Шулэй запатрабаваў абараняць культурную спадчыну і экалагічныя рэсурсы, павышаць узровень прапановы і якасць паслуг, а таксама паглыбляць міжнародныя абмены і супрацоўніцтва ў сферы турызму.

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».