Вы тут

Фінал адукацыйнай акцыі «Запусці сэрца» праходзіць у Мінску


Фінальны этап рэспубліканскай адукацыйнай акцыі «Запусці сэрца» праходзіць сёння ў Мінску, перадае БелТА.


Фота БелТА

На пляцоўцы перад уваходам у Канькабежны стадыён размешчаны экспазіцыі, прысвечаныя тэме бяспекі і аказання першай дапамогі.

У прыватнасці, ратавальнікі разгарнулі цэлы горад бяспекі. Інтэрактыўныя пляцоўкі і выстава рарытэтнай пажарнай тэхнікі не толькі ствараюць удзельнікам святочны настрой, але і нагадваюць аб правілах бяспекі. Рабятам расказваюць аб прычынах узнікнення пажару і нумарах службаў выратавання, прынцыпе працы аўтаномнага пажарнага апавяшчальніка. Таксама іх навучаюць правілам паводзін у выпадку розных надзвычайных сітуацый пры дапамозе інавацыйных тэхналогій і сучаснага абсталявання.

Увазе ўдзельнікаў прадстаўлены магчымасці пажарнай тэхнікі і абсталявання, прадэманстраваны магчымасці беспілотнай авіяцыйнай тэхнікі, якая стаіць на ўзбраенні МНС. Дзеці могуць прымераць баявое адзенне ратавальніка-пажарнага, пракаціцца на аўтамабілі-пярэкруты, пераадолець паласу перашкод «Мацнейшы пажарны», паназіраць за выступленнем ратавальнікаў-кінолагаў.

Плануецца, што пазней пачнецца само дзеянне на канькабежным стадыёне «Мінск-Арэны», якое пройдзе ў выглядзе флэшмоба.

Адукацыйны праект «Запусці сэрца» для навучэнцаў Х класаў устаноў агульнай сярэдняй адукацыі стартаваў 16 сакавіка. Мерапрыемствы праходзілі па суботах у рамках шостага школьнага дня.

Праект закліканы навучыць навучэнцаў выконваць дзеянні, якія могуць выратаваць жыццё чалавека пры пагрозлівых жыцці станах, сфарміраваць навык базавай сардэчна-лёгачнай рэанімацыі пры аказанні першай дапамогі, правесці прафарыентацыйную работу.

Арганізатары праекта — Міністэрства адукацыі і Міністэрства аховы здароўя.

Выбар рэдакцыі

Грамадства

Дадатак для падаткаў

Дадатак для падаткаў

Ключавыя навацыі звязаны з лічбавай сферай. 

Грамадства

Вікторыя Шумельчык: «Ніколі не глянула б на мужчыну-лайдака»

Вікторыя Шумельчык: «Ніколі не глянула б на мужчыну-лайдака»

Вонкава яна — рамантычная светлавалосая жанчына...

Сельская гаспадарка

 Высокія ўраджаі ўзбагачаюць гаспадаркі і выяўляюць лідараў жніва

Высокія ўраджаі ўзбагачаюць гаспадаркі і выяўляюць лідараў жніва

Гродзенскі раён традыцыйна ў ліку перадавых на Гродзеншчыне.