Вы тут

Супрацоўнікі Першамайскага РУУС правялі семінар з сацыяльнымі педагогамі школ раёна


У Першамайскім раёне сталіцы на базе ДУА «Сярэдняя школа № 115 г. Мінска» прайшоў навучальны семінар для сацыяльных педагогаў. Галоўны пасыл — як зберагчы непаўналетніх ад сэксуальнага гвалту.


Ініцыятарам правядзення мерапрыемства стала міжведамасная група, створаная ў перыяд правядзення спецыяльнай праграмы «Дзяцінства без гвалту». У яе ўваходзяць не толькі супрацоўнікі міліцыі, але і ўпраўлення па адукацыі раёна, медыцынскія работнікі і педагогі. Мерапрыемствы, якія праводзяцца ўдзельнікамі групы, накіраваны на прыцягненне ўвагі да праблемы гвалту ў адносінах да непаўналетніх, зніжэнне латэнтнасці педафіліі, павышэнне ўзаемадзеяння ўсіх суб’ектаў прафілактыкі.

Старшы оперупаўнаважаны па асабліва важных справах аддзялення па наркакантролі і супрацьдзеянні гандлю людзьмі Першамайскага РУУС Глеб ПОЛЯК расказаў, на што звяртаць увагу пры ўзаемадзеянні з дзецьмі ў школе, якія прыкметы ўказваюць на тое, што яны падвяргаюцца сэксуальнаму гвалту. Праваахоўнік мадэляваў розныя сітуацыі і расказваў, як трэба паступаць у кожнай з іх.

— Бывае, злачынцы-педафілы знаёмяцца са сваімі ахвярамі ў сацыяльных сетках і мэсенджарах. Дзеці ахвотна перапісваюцца з незнаёмцамі, апошнія, у сваю чаргу, даволі хутка заваёўваюць іх давер і карыстаюцца гэтым. Дарэчы, злачынцы могуць рэгістраваць фэйкавыя старонкі, дзе прадстаўляюцца аднагодкамі ці нават прадстаўнікамі іншага полу, — распавёў оперупаўнаважаны. 

Афіцэр нагадаў педагогам і папрасіў перадаць бацькам падлеткаў правілы, як зберагчы дзяцей ад педафілаў:

— Кантралюйце кола зносін дзяцей, у тым ліку і ў сацыяльных сетках. Пры з’яўленні ў іх грошай, падарункаў, гаджэтаў высветліце крыніцу іх паходжання. Пры падазрэнні на незаконныя дзеянні ў адносінах да дзіцяці неадкладна паведаміце аб гэтым у міліцыю.

Старшы інспектар ІСН Першамайскага РУУС Ксенія ЛАХВІЧ упэўнена: увага бацькоў іграе не апошнюю ролю. Іх клопат і давер — фактары, якія могуць дапамагчы своечасова заўважыць праблему ці прадухіліць яе.

— З дзецьмі трэба размаўляць і выбудоўваць даверлівыя адносіны, каб пры ўзнікненні небяспечнай сітуацыі, бацькі першымі даведаліся пра гэта ад непаўналетніх, — расказала інспектар ІСН.

Нагадваем: калі вам стала вядома аб злачынствах супраць палавой недатыкальнасці ці палавой свабоды непаўналетніх, неадкладна паведамляйце ў органы ўнутраных спраў. Звярніцеся асабіста ў тэрытарыяльны орган унутраных спраў ці па тэлефоне 102.

Вераніка КАНЮТА

Фота прэс-службы Першамайскага РУУС г. Мінска

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».