Вы тут

Цяпер зняць наяўныя можна на касе крамы


Калі вы жывяце ў населеным пункце, у якім да 20 тысяч чалавек, і карыстаецеся наяўнымі — гэтая навіна для вас. Цяпер, каб зняць грошы з карткі, ужо неабавязкова шукаць банкамат. Дастаткова звярнуцца ў найбліжэйшы гандлёвы пункт і пашукаць на касе спецыяльную налепку з зялёным кашальком — абазначэнне эквайрынгу ад гэтага банка. Яна азначае, што крама падключана да сэрвісу выдачы наяўных і тут вы можаце атрымаць неабходную суму грашовых сродкаў.


Фота з адкрытых крыніц

На дадзены момант умовы зняцця наяўных такія. Сума ў рамках адной аперацыі не павінна перавышаць 5 базавых велічынь (200 рублёў). Па картках Беларусбанка камісія за зняцце наяўных не спаганяецца.

Як нам паведамілі ў прэс-службе найбуйнейшай фінансавай установы, у Год якасці Беларусбанк працуе над тым, каб грашовыя паслугі былі даступныя ў кожным кутку краіны. Сёння ў сельскай мясцовасці і гарадах з насельніцтвам да 20 тысяч чалавек да сэрвісу падключана каля 2300 магазінаў. З моманту ўкаранення сэрвісу ў 2020 годзе ўжо праведзена больш за 315 000 аперацый на агульную суму 22 мільёны рублёў.

Адзначаецца, што сэрвіс зручны не толькі пакупнікам, але і ўладальнікам юрыдычных структур. Пасля падключэння суб’екты гаспадарання павялічваюць тавараабарот за кошт прыцягнення дадатковых пакупнікоў, а таксама яны скарачаюць час на здачу выручкі і выдаткі на інкасацыю грашовай наяўнасці.

Бо эквайрынг з выдачай наяўных — гэта такі від паслугі, згодна з умовамі дагавора якога арганізацыя гандлю (сэрвісу) можа ажыццяўляць аперацыі з выкарыстаннем плацежных картак, звязаныя не толькі з рэалізацыяй тавараў, работ (паслуг), але і выдаваць наяўныя грашовыя сродкі ў беларускіх рублях трымальнікам картак банка і банкаў-рэзідэнтаў. 

І яшчэ. Беларусбанк не спаганяе камісію за зняцце наяўных у такіх выпадках. За правядзенне дадзенай аперацыі можа спаганяцца плата банкамі, якія выпусцілі картку. Бо пры падключэнні сэрвісу па выдачы грошай у арганізацыях гандлю прымаюцца карткі ўсіх беларускіх банкаў.

Сяргей КУРКАЧ

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».