Вы тут

Да 20 гадоў пазбаўлення волі пагражае жыхару Івацэвіцкага раёна і яго знаёмай за распаўсюд наркотыкаў


Брэсцкім міжраённым аддзелам Следчага камітэта раскрыты падрабязнасці расследавання крымінальнай справы ў дачыненні да закладчыкаў асабліва небяспечных псіхатропных рэчываў. Пра гэта БелТА паведаміў афіцыйны прадстаўнік УСК Берасцейскай вобласці Раман Зармаеў.


Як стала вядома, 19-гадовы жыхар Івацэвіцкага раёна працаваў у якасці закладчыка на інтэрнэт-краму, якая спецыялізуецца на продажы наркотыкаў. У супрацьзаконную дзейнасць ён залучаў сужыцельку свайго дзядзькі-44-гадовую жыхарку Івацэвічаў. Жанчына не толькі распаўсюджвала наркотыкі, але і асабіста іх ужывала.

6 сакавіка па заданні куратараў інтэрнэт-крамы зламыснікі прыехалі ў Брэст, дзе дасталі з тайніка больш за 7 г псіхатропных рэчываў, расфасавалі на дробныя дозы і зрабілі закладкі. Па вяртанні ў Івацэвічы злачынны дуэт затрыманы праваахоўнікамі.

Пры асабістым ператрусе ў маладога чалавека канфіскаваны скрутак ізаленты. У жанчыны пры сабе выяўлена больш за 3 г альфа-PVP.

Падчас допыту мужчына раскаяўся ў зробленым і паведаміў следчаму, што хацеў зарабіць грошай, а яго знаёмая дапамагала фасаваць і фатаграфаваць месцы закладак. Жанчына адмаўляла дачыненне да распаўсюджвання наркотыкаў. Нібыта яна паехала ў Берасце па дозу для асабістага ўжывання. Але падчас следства былі атрыманыя доказы датычнасці абодвух зламыснікаў да распаўсюджвання псіхатропаў. У іх смартфонах выяўленыя фатаграфіі месцаў схованак і мабільныя прыкладання, якія закладчыкі выкарыстоўваюць для ўказанні дакладных каардынатаў схованак на фотаздымках. Таксама знойдзены перапіскі з куратарамі наркашопа.

Жыхарам Івацэвіцкага раёна прад’яўлена абвінавачванне па ч. 4 арт.328 (незаконныя з мэтай збыту набыццё, захоўванне і перавозка асабліва небяспечных псіхатропных рэчываў у буйным памеры, учыненыя арганізаванай групай) Крымінальнага кодэкса — максімальнае пакаранне ў выглядзе 20 гадоў пазбаўлення волі. Да зламыснікам з санкцыі пракурора прыменена мера стрымання ў выглядзе заключэння пад варту.

Прэв’ю: БелТА

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».